Ke walang ang ânyâwia thö debun je gethen, me je hwakecibun, ke long ju ifuci Iehova Khongubun; me me he Iehova ka ietra ûnyi ae kong waleji e ame ha gabun.
Ame ne he la lap anyi Juda ka löng ge ta je ûnyi hia ae kong waleji oge me ûnykûme he ka ânyâ ködra; mʼ adre me he ka ve hmetu ûnyi hnyi dedra ta je gethen ae kong; mʼ oge me he ka hna anyidra monu me hulo.
Anyin a Ioane ame o but köbun hnyi deny hwakecin ae wisa, ke öbun e ca geju kâu: ke ame labageju kâu hnen ta je telona me ta je momo hnyi gethen: ke öbun e wâ thibi, öbun e ca ietra hwaban, mʼ öbun e he ka labageju kâu.
Anyin a wale wa but öbun wan ae ûcû me ietra, ke ca hwân öbun he ka ha eû hnyi je hnyekubun, ka habe, Aberahama kamöta: anyin a inya oge me ha köbun, ka habe, e khana Khong he ka bi mâtrâni Aberahama, ûnyi hnyi ta je veto ang.
ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.
