Mataio 3:7 - Iaai Bible 1901 (New Caledonia)

⁷ Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Mataio 3:7 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Ta je Vejec 28:4

Haba tavat adre me degec hnanyibu, me adre me ogânâ tavat ae kong; Ke haba tavat adre me tuö hnanyibu, me adre me ivinoâ mödra.

Isaia 59:5

Adre me thö je wakunyin vaipa, ke hwâwâ haihnai wahaihna: ama mok at ame he ka an je akunyidra, ke at ka thö but khaca, me ame ie oâ but on.

Jeremia 51:6

Kec ut ûnyi hnyi Babulona, ke ve omeli öbun dö; ca he öbun ka hnyi mok hnyi anyin bi hulo: anyin a ûen dut ang bi hwaban ga Iehova; e ame he ka ham kâu hwaban.

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Mataio 12:24

Haba at Faresaio adre me long me adre me ha, ka habe, At ang ame ca obâ ta je demoni ke so bi ûnyi ga Belezebuba a tuhan ta je demoni.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 15:12

Me ame o but laten me ha kâu, ka habe, E khanö u a ta je Faresaio adre me hmönyidra ka long hofuc e?

Mataio 16:1

ME ame o but ta je Faresaio me Sadukaio, me adre me cubec e me sumâtâ he ka omanenâ ke haten ûnyi hnyi drany.

Mataio 16:6

Haba Iesu ame ha ködrin, ka habe, O ʼbun âu ge leven anyin ta je Faresaio me ta je Sadukaio.

Mataio 22:15

Me ame he but ta je Faresaio me ûhnenamö mʼ adre ma kâmâu ka töuhne-weny ge hnen hna ha.

Mataio 22:23

Hnyi bong eling ame he but kâu ta je Sadukaio, tavat adre me ha, ka habe, e ba möt hmetu thö:

Mataio 22:34

Ke a long ut ta je Faresaio a gʼ ame ohnyibö ta je Sadukaio, me adre me ûkhacaköu thö.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 5:20

Anyin a inya oge me ha köbun, ka habe, A ne ca nua bi hwakecibun ae wisa hon hwakecin ae wisa ge tavat sihnalimen me je Faresaio, öbun e ca he bi ka didro ka hnyi dokhon drany.

Mareko 12:13

Ke adre me kunâ kâu keihen at Faresaio, me hnyat Herodiane he ka töuhneweny e ge ta je ifucin.

Mareko 12:18

Me ame o but kâu ta je Sadukaio, wale tavat adre me ha, ka habe, e ba möt hmetu ûnyi hnyi hna mok; ke ödrin e hnö e, ka habe,

Mareko 8:15

Ke e ame hûna ködrin, ka habe, E, ö ʼbun aû ge leven anyin ta je Faresaio me leven anyi Heroda.

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Luka 7:30

Ke haba ta je Faresaio me tavat ûnö hnanyibu, me adre me ka iet degecâ je ûnykûmenen Khong, kʼ adre me ca bapataisoi ödra ge anyin bapataiso.

Ioane 1:24

Ke adre hia but kunʼ ödra hnen ta je Faresaio.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Ioane 9:40

Ame long ut keihen ta je Faresaio a tha ödra mē ta je hofuc eling, me adre me ha kâu, ka habe, Hawa, ohmun je wadröu minya?

Ta je huliwa 15:5

Ke ame todrö keihen je Faresaio a hnyat labageju, me ha, ka habe, E ûnyi hnathu he ka peritomoni ödra, me hûna ködra he ka vheno hnanyibu anyi Mose.

Ta je huliwa 20:31

Anyin a wale hmâkâ ju, me ûnykûme thö, haba hnyi je huna a kun oge me ca menâ, waleji hnyi lit me lany he ka nʼ öbun hia, ke hu deköien li emakök.

Ta je huliwa 26:5

ke khanʼ ödra inya ûnyi hnyi can a ne wedra he ka ohnatho, a e ûcû hwakecik hnyi ta je homhnyok ae nua hnyi ke keihen anyitin hmi, wale at Faresaio.

Ta je huliwa 5:17

Me ame todrö at bihut ae nua, mʼ ödra hia a tha ödra mē, (wale hnyat hanen ta je Sadukaio), ke ödra unöngöt ge ihuhnyinköu,

Roma 1:18

Anyin adre me omanenâ ûnyi hnyi drany hmonyin anyin Khong ka ta je hwakecin hia ae ca ûcû ka Khong, me je hwakecin ae ca wisa bi anyin tavat, adre me ovhelâ hnathu ge hwakecidra ae ca wisa bi;

Roma 5:9

Ke walang ang adre me haiwisʼ öta ûnyi ge dreny, awe, adre me he ka ti omeli öta minya ûnyi gan hnyi hmonyin.

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.