Mataio 3:2 - Iaai Bible 1901 (New Caledonia)

² haingen ka habe, Ietra ju öbun; anyin ae hakekeny jut dokhon drany

Mataio 3:2 ပူးပေါင်းရင်းမြစ်များ

I. Je Than 8:47

ke so bi ödrin e ne ûnykûme hnyi hnyekudrin hnyi hnyei adre hom hwenbʼ ödrin hnyin, me hwio thö, me khöû köu hnyi hnyei iny tavat adre me hwenbʼ ödrin, me ha, ka habe, Ohmun e ânyâ hwakecin ae kong, me hwali, me monu;

Jobu 39:12

U me he ka labageju kâu a e ame he ka hom ânyâm hwit, Me hlo hwit hobi kâu umâm uma hnân huje hwit?

Jobu 42:6

Anyin a wale, oge me ikiki nya bi me ietra Hnyi sesâ me hnabadröu.

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Mataio 10:7

Ke haba hnyi ûhebun, khetâ thö me ha, ka habe, E hakekeny jut dokhon drany.

Mataio 11:20

Me e ame hwân ka haikongoâ ta je taun e ame ânyâ hnyin ta je huliwa ae man ae se hia, anyin adre me ca ietra bi.

Mataio 12:41

Ame he at Nineve ka tha tot me dö ang hnyi hna owisa, ke adre me he ka ha hnaûhangoâ e: anyin adre me ietra hnyi hna khetâ hnö Jona; ke wâ bi walang at ae beönua hu Jona.

Mataio 13:11

E ame thu ködrin me ha, ka habe, Adre me ham köbun he ka wâhmakhmetoâ ta je ûnyi ae iyong hnyi dokhon drany, kʼ adre me ca ham bi kodra.

Mataio 13:24

E ame omanenâ hmetu kodra ke ûhöûcû, ka habe, Haba dokhon drany, me ûcû me at ame tā je wan ae so hnyi iny hnyei:

Mataio 13:31

E ame omanenâ hmetu kodra ke ûhöûcû, ka habe, Haba dokhon drany, me ûcû me wan sinapi ame hom ke at me ta hnyi iny hnyei:

Mataio 13:33

Ke e ame ha hmetu kodra ke ûhöûcû, ka habe, Haba dokhon drany me ûcû me leven ame hom ke momo me ikhâlâ hnyi hnyin falawa a kun ta tulut, ke ne o but ame tha khibi hia thö.

Mataio 13:47

Wale hmetu ang, haba dokhon drany, me ûcû me ert adre me thong eû hnyi köiö, me ame hnok dö ta je wâ monu hia:

Mataio 13:52

Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Mataio 18:23

Anyin a wale, haba dokhon drany me ûcû me ke than ame weny he ka hnö ge ta je ûnyi unyin lathnyabainy.

Mataio 20:1

ANYIN ae ûcû dokhon drany me tuhan uma, at ame vesâkong he ka hawâ tavat huliwa ka hnyi anyin hna belökâ vine.

Mataio 22:2

Haba dokhon drany, me ûcû me ke than at ame ânyâ bijeû hnyi faipoipo a nokon,

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 25:1

ME adre me he ka oûco dokhon drany me je hing hlu a ten, ödrin e ve hom anyidrin je lamepa he ka ûkhanö me at a tep faipoipo.

Mataio 25:14

Anyin a haba ûnyi e, me helâke ame he ke at ka hnyi ke hnyei, me e ame hawâ lathnyabainy me hna but ködrin anyin ta je ûnyi.

Mataio 4:17

Hwân hnyi ûen e, Iesu ame hwân he ka khetâ me ha, ka habe, Ietra ju öbun; anyin ae hakekeny jut dokhon drany.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 5:10

Hnahic hnen tavat adre hia but oveci ödra can hwakecin ae wisa: anyin a hobi kodra dökhu dokhon drany.

Mataio 5:3

Hnahic hnen tavat ae theduoc hanudrin, anyin a hobi kodra dökhu dokhon drany.

Mataio 6:10

E so e o but dokhom dokhu. E so adre me ânyâ wem eang hmeledrany e me ûcû me ethö hnyi drany.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Mareko 1:15

A hwâdâ but ûen, ke hakekeny jut dokhu dokhon Khong: ietra ju öbun, me kap ûthumetu ae so.

Mareko 1:4

Ame o but Ioane, at ame bapataiso hnyi hnyebuba me khetâ hna bapataisoiny ietra mʼ adre me thang degecâ but ta je hulö.

Mareko 6:12

Me ödrin e he but, me khetâ, ka habe, hamen tavat he ka ietra.

Luka 1:16

Ke se hia lakon Isaraela e ame he ka ohmeto ka Than a Khongudrin.

Luka 11:20

Ke oge ne obâ ta je demoni ge banyen Khong, awe, a o but köbun dokhu dokhon Khong.

Luka 13:3

Inya oge me ha köbun, e ba: ke ao bi, öbun e ne ca ietra bi ame he ka hiʼ öbun minya helâe.

Luka 13:5

Inya oge me ha köbun, e ba; ke öbun e ne ca ietra bi, ame he ka hiʼ öbun hia minya but helâe.

Luka 15:10

Inya oge me ha köbun, a gʼ ame he ka hu senyin helâe hnyi hnyimakan ta je angela anyin Khong can ietra hnen at ae kong a khaca.

Luka 15:7

Inya oge me ha köbun, Adre me he ka senyin helâe hnyi drany ge ietra hnen at a khaca ae kong, hon hnödra hna senyinâ tavat ae wisa a nainte nain, waleji a ca hu gadra hnân ietra.

Luka 16:30

Ke haingen, ka habe, Ohe, cica Aberahama; ame ne he ke at ûheny hnyi hna mok, ödrin e he ka ietra.

Luka 21:31

Ke helâe, öbun ka wâ ta je ûnyi eang ame o, wâhmakhmeto ju öbun ae hakekeny jut dokhu dokhon Khong.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Luka 6:20

Haba e ame wâ hmâ laten kʼ ame ha, ka habe, Hnobun hnahic tavat ne theduoc, anyin a hobi köbun dokhu dokhon Khong.

Luka 9:2

Me e ame kunʼ ödrin he ka khetâ dokhu dokhon Khong, me he ka omelö tavat ae hu mok gadra.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 17:30

Haba Khong ame hokhnyokâ ta je ûen waleji adre me ca wâ ûnykûme hnyin; ke e ame hûna ka tavat hia thithö hnyi je hnyei hia he ka ietra:

Ta je huliwa 2:38

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Ta je huliwa 20:21

me ohnathoâ ka at Juda me at Heleni minya, a e so he ka ietra ka Khong me labageju ka Tuhöta a Iesu Keriso.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

II. Korinito 7:10

Anyin a haba hmak hnyok ae ûcû ka Khong, me wale at ame okûâ ietra ke ne o but ka hnyi möt, haba ietra eling, me ca hnân ietra hmetu: ke haba hmak hnyok ûnyi eang hmeledrany ame okûâ mok.

Kolose 1:13

waleji at ame hûgûnʼ öta ûnyi hnyi maniny menekholom, me wiʼ öta ka hnyi dokhu dokhon Nokon a oûnykûminy;

II. Timoteo 2:25

me nâ menyikâ ta je iwahnaihmiony; ame ne he Khong ka ham kodra ietra he ka wâhmakhmetoâ hnathu,

Heberu 6:1

ANYIN a wale, e so ate me umo hâiâ hna ûne a bân ge bongon Keriso, mʼ ate me he bi ka hnyi bongon ae bekhöt; ke ca he hmetu bi ka ip taben ietra hnyi ta je huliwa ae mok, ke labageju ka Khong,

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.

Hna Omanenâ 2:5

Anyin a wale ûnykûme ju hnâm hna ta hnyin, me ietra ju, me ânyâ thö ta je huliwa a bân; ke a ne ba, oge me he ka o köu he ka hom! taben ânyâm lamepa ûnyi hnyi hnen, u ka ca ietra.