Mataio 3:12 - Iaai Bible 1901 (New Caledonia)

¹² e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Mataio 3:12 ပူးပေါင်းရင်းမြစ်များ

Jobu 21:18

Mʼ ödrin e tha ûcû me thatûnyin hwit ame tûâ ang, Ke helâ me unen hwit ame tûâ degecâ höu?

Salamo 1:4

E ca helâe ge tavat ae kong; Ke ödra tha ûcû me unen hwit ame oû ang do.

Salamo 35:5

E so adre me he ka helâ me unen hwit hnyi hnyimakan ang, Ke angela anyi Iehova ame alin Ödra.

Isaia 1:31

Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 27:4

E ba wathethot unyik; e na tot metâ könya je iwadekong me watetaföcö hnyi vat! oge me he ka he kodra, oge me he ka tha thong degeci ödra.

Isaia 28:28

Adre me omomono hwit; anyin a e ame ca he bala ka kokot: ke ame ne jijingâ e hnen waengeniny kat me haleny je hors, me e ame ca omomono e.

Isaia 30:24

Ke ame he je bolok me je asina wale adre me huliwan kânâ ka an jeû ae senem, wale adre me ulec ge soi me ut.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 66:24

Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Jeremia 15:7

Ke oge hia but ulic ödra ge ut hnyi je homagouleny hnyei; oge hia but öba lakudra, oge hia but öba lakeik; adre me ca hmetu ûnyi hnyi dedra je gethen.

Jeremia 17:27

Ke öbun e ne ca ling nya he ka okabâ bong sabath, me he ka ca hije hok, me didro ka hnyi je homagouleny Jerusalema hnyi bong sabath; awe, oge me he ka hû meic hnyi ta je homagouleny e, ke ame he ka an je uma umen je than hnyi Jerusalema, ke ame ca he ka mok.

Jeremia 4:11

Hnyi ûen e, adre me he ka ha ka tavat ang me Jerusalema, ka habe, Ang ae kahwa ûnyi ethö je dok ae ba leûnen hnyi hnyebuba cicö hluiny ik hnyei, ca hnân ulec me ânyâwia;

Jeremia 51:2

Ke oge me he ka kunâ Babulona ai je atkanyua, tavat adre me he ka ulec e; ke adre me he ka öba onyen hnyei: anyin adre me he ka ve tot kâu igigilo hnyi bonginy vec.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Hosea 13:3

Anyin a wale adre me he ka helâ me ûlâ hnyi hnyomakatu, ke helâ me dân hau ae logot hia, ke helâ me unen hwit ame oû ang dö ûnyi hnyi hna huje hwit, ke helâ me hai ûnyi hnyi deny hai.

Amosa 9:9

Anyin a wâ bi oge me he ka hûna, ke oge me he ka cubec lap anyi Isaraela unyin je hnyei, helâ me hna degec tiren hwit hnyi taben ûcûbic, ke so bi ame ca he ka kolu ke wan ae ûhnyûkong hnyikânâi.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 13:30

E so ödru me he ka tha kû ke ne o but hnyi ûen menu: ke haba hnyi ûen menu oge me he ka ha ka tavat menu, ka habe, Më ûkhöûnâ thö je zizania, me tha ip me ca, hnân thong degecâ: ke ip dö hwit hnyi anyik om hani.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 13:42

me khûʼ ödrin ka hnyi thopiny meic: kʼ adre me he ka tenge me ûgiö ganyudra eling.

Mataio 13:43

Ke haba tavat ae wisa, me adre me he ka hadröngöc helâ me seûno hnyi dökhu dokhon Kamödra. Haba at ae hu li hnyikonyen, long ju.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Luka 3:17

e hnyi hnyamen ut, ke e ame he ka tha ulec wia anyin hna huje hwit hnyin, me me ip bi hwit hnyi omhani; ke e ame he ka thong degecâ hlanyin hnyi meic ame ca mok bi.

Ioane 15:2

E ame hom but ta je vheiny gak ame ca wa: ke haba ta je vheiny ae wa, e ame ânyâwia, me me wa gan dut.