Mataio 3:11 - Iaai Bible 1901 (New Caledonia)

¹¹ Haba inya oge me bapataisoi öbun ge köiö ka hnyi ietra: ke haba at ame he jem hotuk ae beönua huk, ae ca ûcû nya bi he ka hom taben li hnyeûcan: e ame he ka bapataisoi öbun ge Hanu Kap me meic:

Mataio 3:11 ပူးပေါင်းရင်းမြစ်များ

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Mataio 3:6

ke e ame bapataisoi ödra hnyi wagewe Joridano, adre me omanenâ anyidra ta je monu.

Mareko 1:4

Ame o but Ioane, at ame bapataiso hnyi hnyebuba me khetâ hna bapataisoiny ietra mʼ adre me thang degecâ but ta je hulö.

Luka 1:17

Ke e ame he ka bân hnyi hnyimakan hnyi hanu me man mani Elia, he ka ohmeto hnyekon ta je kamen ka lakudra, me tavat adre hwen höcö ka hnyi metâ anyin tavat ae wisa; me me he ka ânyâwia tavat adre penapena hobi kâu Than.

Luka 3:16

me haba Ioane ame thu kodra hia thithö ka habe, Inya oge me bapataisoi öbun ge köiö; ke ame he ka o at ae nua maniny huk, iny ca ûcû bi he ka thang wen li tangen hnyeûcan: e ame he ka bapataisoi öbun ge Hanu Kap me meic:

Luka 3:3

Ke e ame vheno ta je ke keihen hnyei hia thithö hnyi Joridano, ame khetâ bapataisoiny ietra mʼ adre me he ka thang degecâ but ta je bulö;

Ioane 1:15

Haba Ioane ame ohnathoâ e, me hongot, ka habe, Walang at, waleji oge me ha gan, ka habe, Ame he hotuk at ke wale hnyi hnyimakök: anyin a bân, ka bilik bi.

Ioane 1:30

Wale at waleji oge me ha, ka habe, Ame he ka he hotuk at, ke e hnyi hnyimakök; anyin a bân, ka bilik bi.

Ta je huliwa 1:5

anyin a Ioane ame bapataiso ge köiö; ke adre me he ka bapataisoi öbun ge Hanu Kap hwaban ke je beng ae wakhalet.

Ta je huliwa 19:4

Me haingö Paulo, ka habe, Ioane ame bapataiso ge hna bapataisoiny ietra, kʼ ame ha ka tavat, ka habe, hamödra he ka labageju ka at ame he ka o hwaban e, wale Iesu.

Ta je huliwa 8:36

Ödru me tiga he eû hnyi gethen, me ödru me o but ka hnyi ke an; me ame ha eunuka ka habe, Walejo an; hawa, e kong he ka bapataisoi nya?

Ta je huliwa 8:38

Me e ame ha me me todru kariota: me ödru me tha utut ka hnyi an, wale Filipo me eunuka; me e ame bapataisoâ e.

I. Korinito 12:13

Anyin adre bapataisoi öta hia hnân unyin a khaca ûnyi ge Hanu a khaca, a ne at Juda a ne at Heleni, a ne aten hwenbâ, a ne at adre hna bâûâ; ke adre kunʼ öta hia ka ijem ûnyi hnyi Hanu a khaca.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.