Mataio 28:7 - Iaai Bible 1901 (New Caledonia)

⁷ Ke ie logot dʼ öbun me ha ka laten, ka habe, E a möt hmetu thö ûheny hnyi hna mok; ke wâ bi, e a bân dut Galilaia ai, ke bilibun biju; öbun e he ka iouny mē eling: awe, oge hia but ha köbun.

Mataio 28:7 ပူးပေါင်းရင်းမြစ်များ

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 45:21

Haimemenâ thö, ke hakekenyâ thö; eke, e so adre me tha ûhnenamö: ia omanenâ e hwân kâû adrem? ia haimemenâ e hwân kâû ehac? hawa, ca hnok Iehova? ke ba ju ke Khong, ke hake inya ke; Khong ae wisa me at ûhomeli; ke ba ju ke at, ke inya thibi.

Mataio 24:25

Wâ bi, oge hia but ha bânâ köbun.

Mataio 26:32

Ke iny ka möt hmetu thö, me oge me he ka bök Galilaia ai, ke bilibun biju.

Mataio 28:10

Haba Iesu ame ha ködrin, ka habe, Ca ot bi: he thʼ öbun ka thumeto je liamekeiny mönya madre me he ka he but Galilaia ai, me ödrin e he ka iouny eling mönya.

Mataio 28:8

Me ödrin e ie he logot ûhedrin hnyi erkemok me ot me senyin ae gan hmâ, me wadring he ka thumeto laten.

Mareko 14:28

Ke iny ka möt hmetu thö, oge me he ka bök Galilaia ai, ke bilibun biju.

Mareko 16:10

Haba momo ame he me ha ködrin hnyat a labö tha e më, waleji ödrin e tiga tenge hlöuhlöu.

Mareko 16:13

Me ödru me he me omanenâ ka lahanödru: ke ödrin e ca köp ödru minya.

Luka 24:34

ke haingödrin, ka habe, E hnathu a möt hmetu thö Than, ke a manen dut kö Simona.

Ioane 14:29

Ke oge me ha köbun walang ang, ke tiga ca hwâdâ, me öbun e he ka labageju e ka hwâdâ thö.

Ioane 16:4

Ke oge hia but ha ta je hofuc e köbun hobi kâu e ka o but ûen, öbun e he ka ûnykûme hnok hna ha ta je ûnyi e köbun. Ke oge me ca ha köbun ta je ûnyi e ûnyi hnyi can, anyin a tha inya möbun.

I. Korinito 15:4

ke adre me konâm e, kʼ adre me omelö hmetu thö hnyi bong a kuniny, helâ me je hna sihnalimen;

I. Korinito 15:6

kʼ ame manen hwaban e ka je liamekeiny ae se hia hon faiv haded, ke möt tavat ae se hia gadrin ke ne o but hnyi bong ang, ke a mokut keihen;