Mataio 28:18 - Iaai Bible 1901 (New Caledonia)

¹⁸ Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 28:18 ပူးပေါင်းရင်းမြစ်များ

Salamo 89:19

U je ha eji ka latâm ae kap deny hna; omanenâ, Haingâm, ka habe, Oge hia but ip ûhadruo unyin at ae hwege; Oge hia but ogöranyâ hna ûca unyin tavat.

Salamo 89:27

Ke oge me he ka wia e me me nokuk a bân, At ae beönua hon je than eang hmeledrany.

Ta je Vejec 8:15

Haba je than me adre me musi bi ûnyi gak, Kʼ ame owisa hnen ta je taben.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 3:31

Haba at ûheny thö, me e thibi hon ta je ûnyi hia: ke haba at ûheny hmeledrany, me at hmeledrany bi e, kʼ ame ûhnenamö hmeledrany: haba at ûheny thö, me e thibi hon ta je ûnyi hia.

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Ta je huliwa 2:36

Anyin a wale, e so e he lap anyi Isaraela hia ka wâhmakhmeto a gʼ ame hia but Khong wia Iesu at öbun e osatauroâ me me Than me Keriso.

Roma 14:9

Anyin a mokcu Keriso ke möt hmetu thö, me me he ka Tuhan tavat adre mokcu me tavat miny; ae möt.

I. Korinito 15:27

Anyin, E ame ip hnyi hmelen li can ta je ûnyi hia thithö. Ke hnyi hnen hna ha, ka habe, Adre ip ta je ûnyi hia thithö hnyi hmelen, me e manen a ca hâiâ e minya bi, waleji at ame ip ta je ûnyi hia thithö hnyi hmelen e.

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 2:8

U je ip ta je ûnyi hia thithö hnyi hmelen li can. Anyin a haba hnyi hnen hna ip eû hnyi hmelen ta je ûnyi hia, me ba biju ke ûnyi adre me ca ip hnyi hmelen. Ke walang ang, öta tiga ca wâ ta je ûnyi hia eû hnyi hmelen.

I. Peteru 3:22

wale hnyi ke keihen a metân Khong, ke a ölö hnyi drany ai: ke ame löng hoton hnen ta je angela, me tavat musi, me ta je man.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.