Mataio 28:10 - Iaai Bible 1901 (New Caledonia)

¹⁰ Haba Iesu ame ha ködrin, ka habe, Ca ot bi: he thʼ öbun ka thumeto je liamekeiny mönya madre me he ka he but Galilaia ai, me ödrin e he ka iouny eling mönya.

Mataio 28:10 ပူးပေါင်းရင်းမြစ်များ

Mataio 14:27

Ke haba Iesu ame ie fuc ködrin, ka habe, Hwege thö; inya bi; ca ot.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:45

Me e ame he ka thu kodra, me ha, ka habe, E hnathu inya oge me ha köbun, ka habe, Habaji ge hnobun hna ca ânyâ ka ke at gadra ae ûhnyûkong hmonyin, me öbun e ca ânyâ minya ling könya.

Mataio 26:32

Ke iny ka möt hmetu thö, me oge me he ka bök Galilaia ai, ke bilibun biju.

Mataio 28:16

Ke haba laten a eleven ödrin e he Galilaia ai, ka hnyi bucen waleji a hia but Iesu kû ködrin.

Mataio 28:5

Haba angela ame thu me ha ka watamomo, ka habe, Ca ot bi: anyin ae khanö nya a öbun e elöm Iesu waleji adre osatauroâ.

Mataio 28:7

Ke ie logot dʼ öbun me ha ka laten, ka habe, E a möt hmetu thö ûheny hnyi hna mok; ke wâ bi, e a bân dut Galilaia ai, ke bilibun biju; öbun e he ka iouny mē eling: awe, oge hia but ha köbun.

Mataio 28:9

Ke wâ bi Iesu ame ûkhanö mödrin, me ha, ka habe, Talofa. Me ödrin e be me kât li can, me khudrung ju kâu.

Mareko 16:7

Ke he thʼ öbun ka ha ka laten me Peteru minya, ka habe, A bân dut Galilaia ai ke bilibun biju: öbun e he ka iouny eling më, helâji me hnen hna ha köbun.

Ioane 20:17

Iesu ame ha kâu, ka habe, Ca kalö nya bi; anyin a iny tiga ca ölö ka Kamen: ke he thö ka je liamekeiny mönya, me ha ködrin, ka habe, Inya oge me he ka ölô ka Kamök a Kamöbun, ke Khonguk a Khongubun minya.

Ioane 6:20

Ke e ame ha ködrin, ka habe, Inya bi; ca ot.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia:

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.