Mataio 27:60 - Iaai Bible 1901 (New Caledonia)

⁶⁰ me ip e hnyi anyin bi erkemok ae teb ûnyi, waleji e ame thö hnyin kic: me hagutâ veto ae gan ka hnyi hnyimen erkemok, ke e ame he but.

Mataio 27:60 ပူးပေါင်းရင်းမြစ်များ

Genese 50:5

Cica ame kunö nya he ka khemanyin, ka habe, Wâ bi, oge me he but ang ka mok: ke haba erkemok oge hiny hobi könya bi hnyi hnyei Kanana, u ma he ka könim nya eling. Ke walang ang, ö u hnö nya but ka he me könim cica, mʼ iny hmetu ju.

Isaia 22:16

Ieû u je ânyâ eang? ke ie at e unyâm, anyin a u me thu op hnân erkemok? u je thu opiny erkemok ethö hobi kâu, me kave umen bi hnyi kic!

Isaia 53:9

Ke adre me penapena anyin erkemok unyin tavat ae kong, ke ame mok bi unyin tavat adre tren omjeû; ke so bi e ba hnyikongon, ke ba iyawo hnyi hnyimen.

Mataio 27:59

Ke Josefa ame hom unyin me lan e ge mano lino ae kalaut,

Mataio 27:66

Me ödrin e he but, me ohmâ wia erkemok, me ödrin e okeceâ hmâ veto ge haten, ke e bi unyidrin tavat tue.

Mataio 28:2

Ke wâ bi, wale hwiöi ae gan hmâ; anyin ame utut angela anyin Than ûheny hnyi drany, me o, me hagutâ veto ûnyi hnyi hnyimen erkemok, me laba ju hon.

Luka 24:2

Ke ödrin e wâ veto a gʼ adre hia but hagutâ ûnyi hnyi hnyimen erkemok.

Ioane 11:38

Iesu ame mâng hmetu eû hnyi hnyekon, me o ka hnyi erkemok, wale op, ke adre ip veto hnyi hnyimen.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 19:41

Eling ke ong utkânâ hnyi dok adre hia but osatauroâ e hnyin; ke wale hnyi ong utkânâ thop ae teb ûnyi a ödra tiga ca hip komok hnyin.

Ioane 20:1

HNYI bong a bân hnyi seven ame he but Maria Magadalena hnyi hnyomakatu kong ka hnyi erkemok, kʼ ame wâ veto adre me hom but ûnyi hnyi hnyimen erkemok.