Mataio 27:32 - Iaai Bible 1901 (New Caledonia)

³² Ke adre me didrut me wâ ke at Kurene, Simona ien: me adre me muso e he ka tha he, me me he ka vadren anyin satauro.

Mataio 27:32 ပူးပေါင်းရင်းမြစ်များ

I. Je Than 21:10

ke ip ju li at a li at Belial hnyi hnyimakan, he ka bi fuco e, me ha, ka habe, U je bi gan ka Khong me than. Me hwaban thö e, hom dö e, me lûâ ge veto me me mokcu.

I. Je Than 21:13

Ke a o thö li at, a li at Belial, me laba hnyi hnyimakan: ke haba li at Belial ödru me bi fuco e, jia Nabotha, hnyi hnyimakan tavat, me ha, ka habe, A hia but Nabotha bi gan ka Khong me than. Me ödrin e hom e ka hnyi hoton taun, me luâ e ge veto me e ame mokcu.

Levitiko 4:12

wale bolok hia thithö e ame he ka hom hoton hnyaba ka hnyi dok ae so, wale adre labö hingölö dröu hnyin, ke adre me he ka le e ge meic: adre me he ka thong hnyi dok adre me labö hingölö dröu hnyin.

Levitiko 4:21

Ke e ame he ka hom bolok ka hnyi hoton hnyaba, me le, helâ me hnen hna le bolok a bân: haba ûnyi e, me hudiny hulö hobi kâu ûkhacaköu.

Levitiko 4:3

ame ne he at bihut adre hû ka hanyâûâ, me hom hulö hon tavat; me e ame he ka hudo, can monu e ame ânyâ, ke nak bolok ae ba hnyikongon, kö Iehova, hnân hudiny hulö.

Mataio 16:24

Me Iesu ame ha ka laten, ka habe, A ne ke at ame weny he ka he hotuk, e so e ame hokhnyok, me hom anyin satauro me he hotuk.

Mataio 5:41

Ke a ne ke at ame ûjongi u he ka tha he mē hnyi ke mael, mē tha he thö mē ke ne o but hnyi lö.

Mareko 15:21

Ke adre me musi Simona at Kurene at ame he unyidra ûheny hnyi ta hnyei, kamö Alesanedo me Rufo, he ka vadren anyin satauro.

Luka 23:26

Adre me lelö e, ke adre me köt Simona, at Kurene, ame he ûheny hnyi hna belök, me adre me ip hon e satauro, me me vadren hotu Iesu.

Ioane 19:17

Me adre me hum Iesu thö: me e ame didrut ka vadren satauro hobi kâu, ka hnyi dok, ien, Iny ibokomok, ke haba hnyi hwen Heberu, me Gologotha:

Ta je huliwa 11:20

Ke haba keihen gadra a je at Kupero me Kurene, adre me o but hnyi Anetioka, me ha hofuc minya ka at Heleni, me khetâ ûthumetu ae so anyin Than Iseu.

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

Ta je huliwa 2:10

me Ferugia, me Pamefulia, me Aigupito, me je hnyei hnyi Libua hakekeny Kurene, me je atkanyua ûhedra Roma, at Juda me tavat adre me tha hmi mödra,

Ta je huliwa 6:9

Me ame todrö keihen ûhedrin hnyi sunago, haba ien, me sunago anyin at Libetino, me at Kurene, me at Alesanedria, me tavat ûhedra Silikia, me Asia, me adre me ivinö me Setefano.

Ta je huliwa 7:58

me adre me hagutâ e ka hnyi hoton hnyei, me lûâ ge veto: ke haba hnyat ödrin e bifuco e adre me khûâ je khaûödrin hnyi li can hidröu, Saulo ien.