Mataio 27:29 - Iaai Bible 1901 (New Caledonia)

²⁹ Ke adre me hwâwâ je tö ae ûdedö hnân korona, me obicâ e, me ip hlowe hnyi hnyamen a metân; ke adre me ciboucâ hnyi hnyimakan, me hluma e, me ha, ka habe, E ge Tuhan at Juda!

Mataio 27:29 ပူးပေါင်းရင်းမြစ်များ

Salamo 69:7

Anyin a oge hia but hokhnyokâ ûokonguny can u; A hia but tube hnyimakök ge hmehma.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Jeremia 20:7

Iehova lö, u je hia but cubic nya, me oge me hmehmela: u hwege huk, me ame tom: iny taben ûhiö hnyi je bong hia, ame hlumö nya hnen ke at me ke at hnyi ta je bong hia.

Mataio 20:19

ke adre me he ka hna e ka Aten je hnyei he ka hluma e, me kot ge osö, me osatauroâ: ke e ame he ka möt hmetu thö hnyi bong a kuniny.

Mataio 26:49

Me e ame ie he kö Iesu me ha, ka kabe, E Habi lö; kʼ ame ûcimhnyimak mē.

Mataio 27:37

Ke adre me ip ethö hon ban hna bi fuco e adre sihnalimen, ka habe, Walang Iesu a Tuhan at Juda.

Mareko 15:17

Me adre me okhavâ e ge ûkhaû ae udrudrâ hlit, me hwâwâ je ûö ae ûdedö hnân korona, me obicâ kâu;

Mareko 15:18

me adre me hwân ka nom kâu, me ha ka habe, E, Tuhan at Juda!