Mataio 27:25 - Iaai Bible 1901 (New Caledonia)

²⁵ Haba tavat hia adre me thu, ka habe, E so e he dren ka takû ohmun me lakuhmun.

Mataio 27:25 ပူးပေါင်းရင်းမြစ်များ

II. Samuela 1:16

Ke Davita ame ha kau, ka habe, Ame he drâm ka mokut bi ka hnyi hon bâm; anyin a u je haiö u bi ge hnyimâm, ka habe, Oge me hia but hlingâ at Iehova ame hû.

I. Je Than 2:32

Ke ame he Iehova ka ohmeto dren ka hnyi hon ban bi, anyin a e ame kot li at ae wisa me so hon, me hlingʼ ödru ge hele vat, ke ca khanö cica Davita, wale jia Abinera nöku Neri, taben vat anyin at Isaraela, me Amosa nöku Jether taben vat anyin at Juda.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Numera 35:33

Waleling mʼ öbun e ca he ka okongoâ hnyei öbun e labā: anyin a haba dra, me, wale ûnyi ame okongoâ hnyei: ke e ca khanʼ ödra he ka bi hwaban melen hnyei unyi hnyi dra adre hingölö hnyin, ke so bi ûnyi ge dren at ame hingâlâ.

Mataio 21:44

Ke haba at ame he ka ta hon veto ang, me ame he ka thu amâmâ: ke e ka kölu ka hnyi hon at, me ame he ka thu omomono e.

Ta je huliwa 18:6

Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei.

Ta je huliwa 5:28

Ohmun e hûna wia köbun, mʼ öbun e ca he ka ûne hnyi ien e: ke wâ bi, öbun e ounöngötâ Jerusalema ge hnobun hna ûne, ke öbun e ûnykûme he ka jönihmun dren at e.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Deuteronomi 19:10

mʼ adre me ca he ka hingâlâ dra ae ba hulöiny hnyi em hnyei a ham köu Iehova Khongom me me em, me ame takû u ge dra.

Deuteronomi 19:13

Ca he emakâm ka betenge gan, ke u me he ka ohia dra ae ba hulöiny ûnyi hnyi Isaraela, mʼ u me so bi.

Josua 2:19

Ke haba at ame he ka dit kâû ka hnyi gethen ûnyi hnyi hwanumen umâm uma, me ame he ka takoû ban ge dren bi, ke öhmu me he biju ka gufa: ke haba tavat a tha e möu hnyin uma, ame he ka takoû böhmu ge drödrin, e ka hu at ame he ka hinöbeny ködrin.