Mataio 27:19 - Iaai Bible 1901 (New Caledonia)

¹⁹ Ke e ame tiga laba hon taben owisa, ke haba âiân ame ûkhûnöng kâu he ka ha, ka habe, Ca he bi u ka ânyâ ke ûnyi ka at e ae wisa: anyin a oge hia but ibiose vec gan hnyi bong ang hnyi bwi.

Mataio 27:19 ပူးပေါင်းရင်းမြစ်များ

Genese 31:11

Ke haba angela anyin Khong ame ha könya hyni bwi, ka habe, Jekob lö: ke haingök, ka habe, Inya ang.

Genese 31:24

Ke Khong ame o but kö Labana at Suria hnyi bwi hnyi hnyinghet, me ha kâu, ka habe, Wâ eâu kʼ u he thö ka ha kö Jekob so me kong.

Genese 31:29

E hu manik; man he ka okongu öbun: ke a ha könya: hnen Khongon kamöbun et hnyinghet, ka habe, Wâ eâu, kʼ u he thö ka ba kö Jekob so me kong.

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Isaia 53:11

E ame he ka wâ ivecin hanon me sekunâ: kʼ ame he athnyabaik ae wisa ka owisa tavat ae se hia ge hnen hna wâhmakhmeto: ke e ame he ka vadren anyidra ta je hulo.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.

Mataio 1:20

Ke e ame tiga ûnykûme ta je ûnyi eling, me wâ bi ame manen dut kâu angela anyin Than hnyi bwi, ame ha,, ka habe, Josefa nöku Davita lö, ca ot he ka hum Maria âiâm; anyin a erkin dut hnen Hanu Kap.

Mataio 2:19

Ke a mokcu Heroda, me wâ bi, ame manen dut angela anyin Than kö Josefa hnyi bwi hnyi hnyei Aigupito,

Mataio 2:22

Ke e ame long a gʼ ame than biju Arekelao hnyi Juda, hwaban kamen a Heroda, me e ame ot he ka he kâe; ke adre me koû kâu hnyi bwi, me e ame he ka hnyi ke keihen Galilaia,

Mataio 27:18

Anyin ae khana but a gʼ adre hna e can ihuhnyinköu.

Mataio 27:24

Ke a wâ but Pilato a e ame ca he ka ton, kʼ ame kû bi thö imonumonuny, me e ame hom utköiö, me hinyem hnyi hnyimakan tavat, me ha, ka habe, Iny alai ge dren at ang ae wisa: hamöbun biju.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Luka 23:41

Ke e wisa hnaûhango a otu, anyin adre bi hwaban kötu e me ûcû me hnötu hna mâdrâ: ke haba at ang, me ba bi monu gan.

Luka 23:47

Ke a wâ but keneturio hna mâdrâ, me e ame haisoâ Khong, me ha, ka habe, E hnathu wale at ae wisa.

Ioane 19:13

A long ut Pilato hofuc eling me e ame hum Iesu but hnyou ai, me e ame laba hnyi taben owisa hnyi dok, ien, ka habe, Adre ave ge veto, ke haba hnyi hwen Heberu me, Gabatha.

Ta je huliwa 12:21

Ke hnyi ke bong adre hia but thu, Heroda ame khavâ je ûkhaûen than, me tabâ anyin theron, me khet ködra.

Ta je huliwa 18:12

Ke hnyi ûen ame konesula hnyin Galiona hnyi Akaia, haba at Juda adre me tot kö Paulo hnyi hnyok a khaca, me lelo thö ka hnyi tahen owisa,

Ta je huliwa 18:16

Me e ame obʼ ödra ûnyi hnyi taben owisa.

Ta je huliwa 18:17

Ke ödra hia adre me kot Sosetheni, a taben sunago, me kot e hnyi hnyimakan taben owisa. Ke haba Galiona ame ca oûnyihnathoâ ta je ûnyi e.

Ta je huliwa 25:10

Haba Paulo ame ha, ka habe, Inya but ang oge me tot hnyi hnyimakan taben owisa anyi Kaisara, wale ae ûcû he ka hnei nya hnyin: e ba monu oge me ânyâ ka at Juda, e khanö u wia but e.

Ta je huliwa 25:17

Anyin a wale adre me o but eang me oge me ca bec, ke haba nyi oge me laba hon taben owisa, me ûkhûnöng he ka hawâ e jem.

Ta je huliwa 25:6

Ke a hia but laba unyidra ame ne eit ame ne ten ta bong, e ame he but Kaisaria ai; ke nyi e ame laba hon taben owisa, me ûkhûnöng he ka hawo Paulo.

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Ioane 2:1

JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa: