Mataio 26:64 - Iaai Bible 1901 (New Caledonia)

⁶⁴ Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 26:64 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Isaia 19:1

HOK honen Aigupito. Wâ bi Iehova ame tabâ ûlâ ae logot, kʼ ame he ka o hnyi Aigupito: me ame he ka bwebwet je idolainy Aigupito hnyi hnyimakan, kʼ ame he ka köiö but hnyekon Aigupito eû hnyin e.

Daniela 7:13

Ke oge me wâ je hna omanenâ hnyi lit, ke wâ bi, ame tha o me je ûlâiny drany, at helâ me nokon at, ke e ame o ka hingat kâû adrem, mʼ adre me hom e ka hnyi hnyimakan.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 22:44

Ame ha Than ka Tuhok, ka habe, Laba ju hnyi ke keihen a metök Ke ne o but oge me he ka ip ta je iwahnaihmiony möu hmelen li cam?

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 26:25

Haba Juda at ame alecuâ e, ame thu me ha, ka habe, Kabi, hawa inya? Haingen kâu, ka habe, U me ha e.

Mataio 27:11

Ke Iesu ame tot hnyi hnyimakan gavena: ke haba gavena ame hnö e, ka habe, U tuhan at Juda? Haingö Iesu ame ha kâu, ka habe, U me ha e.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Luka 21:27

Ke hnyi ûen e adre me he ka wâ Nokon at ame utut kʼ ame tabâ ûlâ tha e me man, mo hmanenang ae gan.

Luka 22:69

ke hwân dö ang ke ne o but nyiele, ame he Nokon at ka laba hnyi ke keihen a metân man maniny Khong.

Luka 22:70

Haingödra hia, ka habe, A u e Nokon Khong? Me e ame ha kodra, ka habe, Öbun e ha e, a inya ang.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ta je huliwa 1:11

haingödru, ka habe, At Galilaia lö, ieû gabun öbun e ngele drany ai? ame he ka o hmetu Iesu at adre me hom unyibun hnyi drany ai, helâ me hnen hna ölö hnyi drany ai, kʼ öbun e wâ.

Roma 14:10

Ieû gam u me ûnykûme liamekeiny möu? ke haba khaca, ieû gam u me hmiân liamekeiny möu? anyin ate me be hia ka tot hnyi hnyimakan taben owisa anyin Khong.

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 12:2

me ō Iesu at ame hwân me obekhötâ labageju, waleji at ame hokhnyokâ satauro, kʼ ame ca oûnyihnathoâ hmehma, ûnyi hnyi senyin adre me ip hnyi hnyimakan, ke e ame laba ju hnyi ke keihen metân theron anyin Khong.

Hna Omanenâ 1:7

Wâbie ame he ka o hnyi ta je ûlâ; kʼ ame he bi ka wâ e hnen ta je ecmak hia, me tavat waleji adre me dâ e; ke ame he ta ie tribu hia eang hmeledrany ka tenge thungaû gan. Eke, Amen.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.