Mataio 26:52 - Iaai Bible 1901 (New Caledonia)

⁵² Haba Iesu ame ka kâu, ka habe, Inâ hmeto but ânyâm hele vat ka hnyi tangen; anyin a haba tavat hia adre me hom hele vat, me adre me he ka mok ge hele vat.

Mataio 26:52 ပူးပေါင်းရင်းမြစ်များ

Genese 9:6

Haba at ame hingâlâ dren ke at, me ame he bi ka hingâlâ dren hnen ke at: anyin adre op at e me we Khong.

Salamo 55:23

Khong lö, u ma he ka hagutʼ ödra ka hnyi thopiny bobot: Haba tavat behingâlâ dra me tavat iyawo me adre me ca he bi ka möt hnyi hafiny bongudra je bong; Ke oge me he ka labageju köu.

Esodo 21:12

Haba at ame kot moko at adre me he ka hlingâ.

Mataio 5:39

ke inya oge me ha köbun, ka habe, Ca hagutâ at ae kong; ke haba at ame khaû wahicâm a metâm, mē wia minya thö ke keihen kâu.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

I. Thesalonika 5:15

Ca he ke at ka bi hwaban monu ge monu ka ke at; ke hnu bala hoton so unyibun bi, me tavat hia.

I. Peteru 3:9

ca bi hwaban monu ge monu, me ûjao ge ûjao; ke so bi hahnahicâ; anyin adre hawʼ öbun kâe, mʼ öbun e he ka hnahic.

Hna Omanenâ 13:10

A ne ke at ame he ka hom bâ, me adre me he ka hom hwenbâ e: a ne ke at ame hlingâ ge hele vat, me adre me he ka hlingâ e ge hele vat. Wale hok hnyok me labageju anyin wakap.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.