Mataio 26:39 - Iaai Bible 1901 (New Caledonia)

³⁹ Me e ame he ka hnyi dok ae hakekeny, me ta ju hnyikânâi, me hic, me ha, ka habe, Cica lö, a ne ca pason, ö u ohia but utk… eang gak: ke so bi e ca hamök, ke ka… mâm bi.

Mataio 26:39 ပူးပေါင်းရင်းမြစ်များ

Genese 17:3

Ke Aberama ame ta hnyimakan hnyikânâi: ke Khong ame ha hofuc kâu, ka habe,

II. Samuela 15:26

ke ame ne ha, ka habe, Oge me ca senyin gam; awe walönya ang, hamen he ka ânyâ könya unyi ae so hnyi hnyimakan.

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

Isaia 50:5

Haba Than Iehova ame khong li hnyikönyök, ke oge me ca ûkhin fuc, ke oge me ca he hmetu.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Ezekiela 1:28

Ke haba hwakecin hadröngöc igigilo, me helâ me man wajileufat ae hnyi ûlâ hnyi ûen we. Wale bongon a manen me hmanengi Iehova. Ke oge me wâ, me oge me ta hnyikânâi, me long ifucin ke at ame fuc.

Numera 14:5

Me haba Mose me Arona ödru me ta ju hnyimaködru hnyikânâi hnyi hnyimakan tavat hia, wale ûkhacaköu anyin lakon Isaraela.

Numera 16:22

Ke ödru me ta ju hnyikânâi, me ha, ka habe, Khong lö, Khongon hanon tavat hia, ame ne kong hwakecin at a khaca, me hawa u me he ka hmönyin ka ûkhacaköu hia?

Mataio 20:22

Ke haba Iesu ame thu me ha, ka habe, E ca khanʼ öbu bongon hnöbu hna sumâtâ. Hawa, e khanʼ öbu he ka ic hnyi kaia oge me he ka ijem? Haingödru ka habe, E khanʼ ohmu.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 26:42

Ke e ame he hmetu ka hic me ha, ka habe, Cica lö, a ne ca khana he ka hia but utköiö eang, iny ka ca ijem, ânyâ thö wem.

Mareko 13:22

anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.

Luka 17:16

me ta ju hnyikânâi hnyi hmelen li can, me ole kâu: haba at Samaria e.

Ioane 11:41

Me adre me hom but veto. Ke haba Iesu ame bwele thö görany ai me ha, ka habe, Cica lö, inya oge me ole köu anyin a u me ling nya.

Ioane 14:31

ke ba anyin ûnyi ûnyi gak: ke so bi me me wâ thö hmeledrany a inya oge me hnyok ka Kamen, ke oge me mâdrâ helâ me hnen Kamen hna hûna könya. Todrö, otin e he thö eang.

Ioane 18:11

Haba Iesu ame ha kö Peteru, ka habe, Inâ hmetu ju hele vat ka hnyi umen: hawa, oge me ca he ka ijem kaia a ham könya Cica?

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ta je huliwa 10:25

Ame didro Peteru, me Konelio ame he he ka iouny mē, me ta ju ka hnyi hmelen li can, me khudrung kâu.

Filipi 2:8

ke adre wâ e helâ me bongon at, ke e ame ka ohnyikânâ e bi, me long hoton ke ne o but ka hnyi mok, eke, wale mok hon satauro.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.