Mataio 26:28 - Iaai Bible 1901 (New Caledonia)

²⁸ anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mataio 26:28 ပူးပေါင်းရင်းမြစ်များ

Jeremia 31:31

Haingö Iehova, ka habe, Wâ bi, ame he ka o je bong me oge me he ka ânyâ ûhihinyköu a teb ûnyi me lap anyi Isaraela, me lap anyi Juda:

Levitiko 17:11

Anyin a e hnyi dra melen unyin: ke oge hia but ham e köbun hon taben hut, me me bi hwaban anyibun möt: anyin a haba dra, me, wale at ame bi hwaban möt, anyin ae hu möt hnyin.

Zakaria 9:11

Ke haba u, can dren ûhihinyköu möu, me oge hia but kunâ tavat adre ca gam ûnyi hnyi thop ae ba köien.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:27

Ke e ame hom utkaia, me oleâ, me ham ködrin, me ha, ka habe, Ijem dʼ öbun hia;

Mataio 26:29

Ke inya oge me ha köbun, ka habe, oge me ca he hmetu ka hnyi ijem wan vine eang, ke ne o but hnyi bong oge me he ka tha ijem mʼ öbun hnyi dökhu dokhon Kamök.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Mareko 1:4

Ame o but Ioane, at ame bapataiso hnyi hnyebuba me khetâ hna bapataisoiny ietra mʼ adre me thang degecâ but ta je hulö.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Luka 22:19

Ke e ame hom areto, kʼ ame oleâ, me thuthu, me ham ködrin, haingen, ka habe, Walang unyik adre me ham hobi köbun: ânyâ thö ang hnân ûnykûme könya.

Luka 22:20

Ke helâe minya kaia hwaban hna han, ame ha, ka habe, Walang kaia a ûhihinyköu ae teb ûnyi hnyi drök, ame hingâlâ hnân hobi köbun.

Roma 5:15

Ke ca tha ûcû bi hna hanyâûâ me hna ham bâûâ. Anyin ame ne mok ut tavat ae se hia ûnyi ge monu anyin at a khaca, awe, ame he ka ti si ibetengiö baû anyin Khong, me hna ham hnen ibetengiö baû anyin at a khaca, Iesu Keriso, ka tavat ae se hia.

Roma 5:19

Anyin ae kong ut tavat ae se hia ûnyi ge ca ûling anyin at a khaca, helâe minya adre me he ka haiwisa tavat ae se hia hnen ûling anyin at a khaca.

I. Korinito 11:25

Ke helâe minya me kaia, hwaban hna han, ame ha, ka habe, Haba kaia eang, me ûhihinyköu a teb ûnyi hnyi drök: ânyâ thö e he ka ûnykûme könya hnyi ta je ûen öbun e ijem hnyin.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

Heberu 10:29

hawa, öbun e ûnykûme ae ca ûcû bi hwaban ae gan hmâ hon e ka at ame uto hnyikânâi Nokon Khong, me ûnykûme a ûnyi ae ca kap dren ûhihinyköu hnân okabâ e, me okongoâ Hanon ibetengiö baû?

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.

Hna Omanenâ 7:9

Hwaban ta je ûnyi e inya oge me wâ, ke wâ bi, tavat ae se hia hmonyin, wale ae ca khana ke at he ka aû, a ödra ûnyi hnyi ta je hnyei hia, me ta je tribu, me tavat, me je hwen hnyei, adre me tot hnyi hnyimakan theron, ke hnyimakan Arenio, kʼ adre khavâ je ûkhaû ae hau, ke e hnyi je hnyamödra je lan pama;