Mataio 26:24 - Iaai Bible 1901 (New Caledonia)

²⁴ Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mataio 26:24 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 55:15

E so e ie o but kodra mok, Me tha utut ka hnyi thop kʼ ödra tiga möt: Anyin a e bi monu hnyi hnyabadra, eû hnyi wanbödra.

Salamo 55:23

Khong lö, u ma he ka hagutʼ ödra ka hnyi thopiny bobot: Haba tavat behingâlâ dra me tavat iyawo me adre me ca he bi ka möt hnyi hafiny bongudra je bong; Ke oge me he ka labageju köu.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Mataio 18:7

Ekölö ge hmeledrany anyin ae hu ta je hna bi joniny! anyin ae ûnyi hnathu he ka oâ ta je hna bijoniny: ke ekölö ge at ame be ka oâ ta je hna bijoniny!

Mataio 26:31

Haba Iesu ame ha ködrin, ka habe, Öbun e he hia ka thö thö can inya hnyi lit ang: anyin adre hia but sihnalimen, ka habe, Oge me he ka kot at ame tuö mamoe, me ame he ka vese but ta je mamoe.

Mataio 26:54

Ke ame he ka kâmâu he ka hwâdâ hna sihnalimen a gʼ ame he ka helâe?

Mataio 26:56

Ke adre me ânyâ hia e me me hwâdâ hna sihnalimen ge ta je perofeta. Ke haba laten, me ödrin e hna but e me kec.

Mareko 14:21

Anyin ame he ka he but Nokon at helâji me hna sihnalimen gan: ke ekölö ge at eling ame he ka alecuâ Nokon at! E so ka at eling adre ne ca hnokoâ e.

Mareko 9:12

Ke e ame ha ködrin, ka habe, E hnathu a bö Elia ka o, me ohâtâ ta je ûnyi hia: ke adre sihnalimen ahö ge Nokon at a e ame he ka vheno ta je vec ae se hia me adre me he ka oûnyibâûâ e?

Luka 22:22

Anyin e hnathu ame he ka he but Nokon at helâji me hna ha muâ: ke ekölö ge at adre me alecuâ a deny!

Luka 24:46

ke e ame ha ködrin, ka habe, Adre hia but sihnalimen helâng, a gʼ ame he Keriso ka vec, me möt hmetu ûheny hnyi hna mok hnyi bong a kuniny;

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ioane 19:24

Me adre me ûhnenamököuâ, ka habe, Ate me ca he bi ka kia, ke so bi he ka ugleköbâ, a hamö ia he ka hom: me me hwâdâ hna sihnalimen, ka habe, Adre me khenâ anyik je ûkhaû unyidra, Ke adre me ugleköbâ anyik ûkot. Wale ta je ûnyi ame ânyâ ta je soja.

Ioane 19:28

Hwaban dö e, a wâ Iesu a ga um but ta je ûnyi hia, me e ame ha, ka habe, Oge me beic dö; me me hwâdâ hna sihnalimen.

Ta je huliwa 2:23

wale at adre me hna but ûnyi hnyi musi wisa me wâ bânâ hnen Khong, kʼ öbun e hia but osatauroâ me hlingâ hnen hnyamen tavat adre me hanyâûâ hnanyibu:

Ta je huliwa 28:23

Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac.

Ta je huliwa 4:28

ke so bi he ka ânyâ thibi ta je unyi adre ip hmâ adrem ge hnyamâm me ânyâm musi he ka mâdrâ.

I. Korinito 15:3

Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen;