Mataio 26:2 - Iaai Bible 1901 (New Caledonia)

² Öbun e wâ ae lo biju li bong me ame he ka o but paseka, ke adre me he ka alecuâ Nokon at me he ka osatauroâ.

Mataio 26:2 ပူးပေါင်းရင်းမြစ်များ

Esodo 34:25

U me ca he ka hudo könya dren ânyâm hut a tha e me areto adre levenâ, ke ca he ka ip hudiny bijeûiny paseka ke ne o but hnyomakatu.

Mataio 10:4

ke Simona at Kanana, ke Juda Isakariota, at ame alecuâ e.

Mataio 17:22

Ke ödrin e tiga laba hnyi Galilaia, haba Iesu ame ha ködrin, ka habe, Adre me he ka alecuâ Nokon at ka hnyi ta je hnyamen at;

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Luka 22:15

Haingen ködrin, ka habe, E gan hmâ wek he ka tha han möbun paseka eang, ke tiga hia imekik:

Ioane 11:55

E hakekeny jut paseka anyin at Juda: ke se hia tavat adre me he Jerusalema ai ûhedra he e, he ka obosoi ödra e me tiga ca ûen paseka.

Ioane 12:1

E tiga siks biju ta bong adre me he ka ânyâ paseka, me Iesu ame he Bethania ai, wale dok a laba hnyin Lazaro waleji a omelö ûheny hnyi hna mok.

Ioane 18:2

Ke e khanö Juda dok eling, at ame alecuâ e: anyin ame labö o eling Iesu me laten.

Ioane 18:32

me me hwâdâ hofuc ho Iesu a ha, ame omanenâ bongon imekiny bi.

Ioane 2:13

E hakekeny jut paseka anyin at Juda, ke haba Iesu ame he Jerusalema ai.