Mataio 26:11 - Iaai Bible 1901 (New Caledonia)

¹¹ Anyin a e bala bi unyibun ta je theduoc; ke oge me ca he bi nya ka laba bala eang unyibun.

Mataio 26:11 ပူးပေါင်းရင်းမြစ်များ

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mataio 26:10

Ke Iesu ame wâhmakhmeto, me e ame ha ködrin, ka habe, Ieû gabun öbun e ovhelâ momo? e ame hia but ânyâ huliwa ae so könya.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mareko 14:7

Anyin a e bala ang unyibun ta je theduoc, ke khanʼ öbun he ka mâdrâ so ködrin hnyi ûen öbun e weny: ke oge me ca he bi nya ka laba bala unyibun.

Ioane 12:8

E bala unyibun ta je theduoc; ke oge me ca he bi nya ka laba bala unyibun.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 16:28

Oge me he but ûhek unyin Kamen, me o eang hmeledrany; ke oge me he hmetu ka hna hmeledrany me he ka Kamen.

Ioane 16:5

Ke walang ang inya oge me he but kâu at a kunö nya; ke ba ke at gabun a hnei nya, ka habe, U me he kâ?

Ioane 17:11

Ke oge me ca he hmetu ka laba eang hmeledrany, ke ödrin e he biju ka laba eang hmeledrany, ke inya oge me he but köu. Kamök ae kap lö, tuʼ ödrin ju hnyi iâm waleji u je ham könya, mʼ ödrin e khaca thibi helâ me ötu.

Ta je huliwa 3:21

at a kap hnen drany ethö ke ne o but hnyi je ûen ame he! ka hwâdâ hnyin ta je ûnyi hia waleji ame ha hnen Khong a deny anyin ta je perofeta hia thithö ae kap hwân kâû adrem bala.

Galatia 2:10

ke ame wedrin thibi mʼ ohmu me he ka ûnykûme tavat ae theduoc; wale thibi ûnyi ae hmehmelâ hnyekuk he ka ânyâ.

Deuteronomi 15:11

Anyin ame ca he ka ba at ae theduoc hnyi hnyei: anyin a wale inya oge me hûna köu, ka habe, U me he ka lau hnyamâm ka liamekeiny mou, wale hnyat unyâm ae theduoc, me hnyat ae ba ta ûnyi hnyi em hnyei.

I. Ioane 3:17

Haba at ae hu ta ûnyi eang hmeledrany, kʼ ame wâ liamekeiny më ae theduoc, kʼ ame thelöng oûnykûminy gan, me ame he ka kâmâu hnyok ka Khong ka laba eû hnyin at e?