Mataio 26:10 - Iaai Bible 1901 (New Caledonia)

¹⁰ Ke Iesu ame wâhmakhmeto, me e ame ha ködrin, ka habe, Ieû gabun öbun e ovhelâ momo? e ame hia but ânyâ huliwa ae so könya.

Mataio 26:10 ပူးပေါင်းရင်းမြစ်များ

Nehemia 2:18

Ke oge me thumetu ödrin ge hnyamen Khonguk ae so huk; helâe minya ge je hofuc hwan than waleji e ame ha könya. Me ödrin e ha, ka habe, Hʼ ötin ka op. Me ödrin e sihwegiâ je hnyamödrin ka hnyi huliwa eling ae so.

Jobu 13:7

Hawa, öbun e he ka ha ûnyi ae kong he ka bi hien Khong, Öbun e he ka fuc thoi he ka bi hien?

Mataio 26:11

Anyin a e bala bi unyibun ta je theduoc; ke oge me ca he bi nya ka laba bala eang unyibun.

Mataio 26:9

Anyin adre ne ûco, me gan hmâ hwaban he ka ham ka ta je theduoc.

Mareko 14:6

Ke haba Iesu ame ha, ka habe, Hna ju momo; ieû gabun öbun e ovecâ e? e so hnen hna mâdrâ könya.

Luka 8:49

Ke e ame tiga fuc, me ame o but ke at ûheny hnyi hnyaban at ame muso sunago, me ha, ka habe, A mokcu nokom hlu; ca ûjengö bi At ûne.

II. Korinito 9:8

Ke e khana Khong he ka ogânâ thö köbun ibetengiö baû hia; mʼ öbun e he ka widrany gan hmâ bala hnyi ta je ûnyi hia, mʼ öbun e he ka si hnyi ta je huliwa hia ae so:

Galatia 1:7

ke ca ke evangelia bi: ke haba keihen adre me ohluhlu öbun, me bewia evangelia anyin Keriso.

Galatia 5:12

Haba wek, me me he tavat adre me ovheli öbun ka hamödra subâ degeci ödra bi.

Galatia 6:17

Ke hwân dö walang ang, ca he hmetu bi ke at ka ovheli nya: anyin ae hu bi hnyi unyik je hwadeny a je haten Iesu.

Efeso 2:10

Anyin a haba öta, me anyin huliwa, kʼ adre up öta unyin Keriso Iesu he ka ânyâ ta je huliwa ae so, waleji a penapena Khong adrem mʼ ate me he ka vheno.

Kolose 1:10

mʼ öbun e he bala ka ûcû ka Than, he ka osenyinâ bala e, me wa hnyi ta je huliwa ae so hia, me kû tot hnyi metâ anyin Khong;

II. Thesalonika. 2:17

hamen he ka okahwa je hnyekubun me otethmâ hnyi ta je huliwa ae so me hofuc ae so hia thithö.

I. Timoteo 3:1

WALANG uthofuc ae hnathu, ka habe, A ne weny ke at hanymen pisop, e ame weny huliwa ae so.

I. Timoteo 5:10

ke momo adre me haisoâ hnyi ta je huliwa ae so; ka habe, ame hia but hat lakon, me betenge ge ta je atkanyua, me osûâ je li can wakap, me hadruâ tavat adre me vec, me ânyâ bala ta je huliwa hia ae so.

II. Timoteo 2:21

Anyin a wale, a ne ke at ame ka ânyâwia e bi ûnyi hnyi ta je ûnji eang, me e ame he ka kaia hnân haisoâ adre okabâ, me ûcû he ka huliwan hnen at ae tren uma, me hna penapena ka hnyi ta je huliwa ae so.

Tito 1:16

Adre me labö ha, ka habe, e khanʼ ödra but Khong; ke adre me ivi-nöâ e bi ge anyidra ta je huliwa, ke ödra tavat ikiki, me ca ûling, ke ba ke huliwa a khaca ae so a ödra ûcû ka hnyin.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 3:1

OÛNYKÛMI ödra a gʼ adre me he ka löng hoton ta je than, me tavat musi, me he ka ûling, me laba penapena ka hnyi ta je huliwa hia ae so,

Tito 3:14

E so e he minya tavat unyita he ka nâ ka ânyâ ta je huliwa ae so, me me hu ta je ûnyi ae ûnyi hnathu, wâ adre nye ca wa but.

Tito 3:8

E hnathu hofuc e, ke e bewek u me he ka ha hwegiâ bala hofuc e, mʼ adre me hwege thö he ka ânyâ ta je huliwa ae so hnen tavat adre me labageju ka Khong. Wale ta je ûnyi ae so me hu troban ka tavat:

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.