Mataio 25:6 - Iaai Bible 1901 (New Caledonia)

⁶ Ke hnyi wanbenset adre me kuku thö me ha, ka habe, Wale but ang at a tep faipoipo! Ai öbun he ka ûkhanö mē.

Mataio 25:6 ပူးပေါင်းရင်းမြစ်များ

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Amosa 4:12

Anyin a wale, oge me he ka ânyâ helâe köu Isaraela: ke can anyin oge me he ka ânyâ helâe köu, penapena thö he ka iouny me Khongom, Isaraela.

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mataio 24:44

Anyin a wale laba penapena thʼ öbun: anyin a hnyi ûen öbun e ca ûnykûme bi ame he ka o but Nokon at.

Mataio 25:1

ME adre me he ka oûco dokhon drany me je hing hlu a ten, ödrin e ve hom anyidrin je lamepa he ka ûkhanö me at a tep faipoipo.

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 25:5

E tiga bec at a tep faipoipo, me ödrin hia ödrin e ta mokut me mokut.

Mataio 25:7

Me ame todrö je hlu hia eling, me ânyâwia anyidrin je lamepa.

Luka 12:20

Ke haba Khong ame ha kâu, ka habe, U at ae monu, adre me he ka hom hanom hnyi lit ang; ke hobi kö ia bi ju ta je ûnyi u je penapena?

Luka 12:46

awe, ame he ka o tuhan athnyaba eling hnyi bong e ame ca ûnykûme, ke hnyi awa e ame ca wâhmakhmeto, me ame he ka subâ luâ e, me ham kâu jekhon unyin tavat adre me ca ûling.

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

Hna Omanenâ 16:15

(Wâ bi, oge me he ka o helâ me at venöu. Hnahic hnen at ame hmâkâ, me tuö anyin je ûkhaû, wâ e nye he ka he thu, mʼ ödra wâ thö anyin hmehma.)