Mataio 25:34 - Iaai Bible 1901 (New Caledonia)

³⁴ Haba Than ame he ka ha kodra hnyi ke keihen a metân, ka habe, Ai öbun, öbun hia tavat a ohnahicâ hnen Kamök, hu hwajekhöûbun ju dökhu adre penapena hobi köbun hwân hnyi hna bi taben hmeledrany:

Mataio 25:34 ပူးပေါင်းရင်းမြစ်များ

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Ta je Vejec 11:17

Haba at ame betenge, me ame ânyâ hwakecin ae so bi kâu: Ke haba at beovecâ me ame ovecâ unyin bi.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Mataio 13:35

me me hwâdâ thö hna ha hnen perofeta, ka habe, Oge me he ka khong ut hnyimök hnyi ta je ûhöûcû; Oge me he ka ha ta je ûnyi ae iyong hwân hnyi hna bi taben hmeledrany.

Mataio 19:29

Ke haba at ame he ka hna but uma, ke liamekeiny, ke haniny, ke kamen, ke hinyen, ke lakon, ke hnyei, can iök, me e ame kap wan haded ûsehiainy, me ame he ka hu minya möt ae ca ba balua.

Mataio 20:23

Ke e ame ha ködru, ka habe, Öbu me he ka hnyi ic hnyi anyik kaia: ke haba he ka laba hnyi ke keihen metök me mek, me ca hamök bi he ka ham, ke wale hobi kâu thibi hnen Kamök hna penapena hobi kâu.

Mataio 21:5

Ha thö ka hluiny Ziona, ka habe, Wâ bi, ame o but köu Tuhâm, At ae menyik, kʼ ame tabâ asina, Ke nak asina, a nokon asina.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Mataio 25:23

Haingen than ame ha, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia: didro ka hnyi senyin anyin tuhâm.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mataio 27:37

Ke adre me ip ethö hon ban hna bi fuco e adre sihnalimen, ka habe, Walang Iesu a Tuhan at Juda.

Mataio 3:2

haingen ka habe, Ietra ju öbun; anyin ae hakekeny jut dokhon drany

Mataio 5:19

Anyin a wale, haba at ame he ka hanyâûâ khaca hnyi ta je hnanyibu eang ae ûhnyûkong hmonyin, kʼ ame nâ tavat he ka helâe, me adre me he ka ha oûhnyûkongo e hnyi dökhu dokhon drany: ke haba at ame he ka vheno me nâ, me adre me he ka ogânâ e hnyi dökhu dokhon drany.

Mareko 10:17

Ke e ame he eû hnyi gethen, me ame wadring ke at me cibouca kâu, me hnö e, ka habe, At ûne lö, ieû hanymök oge me he ka ânyâ me me hu thö könya möt ame ca ba balua!

Mareko 10:40

ke so bi e ca hanymök he ka ham ka at he ka laba hnyi ke keihen a metök me mek: baba e, me hnân hobi kâu tavat adre me penapena e hobi kâu.

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Luka 11:50

mʼ adre me he ka hnö dren ta je perofeta hia thithö unyin dö ang, waleji adre me hingâlâ hwân hnyi hna bi taben hmeledrany;

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 19:38

haingödra, ka habe, Hnahic hnen At musi ame o but hnyi ien Than: hnahic ethö hnyi drany, ke hmanenang ethö hnyi dok ae görany hmonyin.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 12:13

me adre me bi lan pama me he ka ûkhanö mē, me hongot, ka habe, Hosana: hnahic hnen Than Isaraela, ame o but hnyi ien Than.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 19:15

Me adre me ha hwegiâ, ka habe, Hom dö, hom dö, osatauroâ thö. Haingö Pilato kodra, ka habe, Hawa, oge ma he ka osatauroâ Tuhöbun? Me ame thu je taben tavat bihut, ka habe, E ba minya ju ke tuhöhmun ke hake Kaisara thibi.

Ta je huliwa 15:18

Haingen Than, at ame haimemenâ ta je ûnyi e hwân hnyi hna op hmeledrany.

Ta je huliwa 3:26

Ke haba; Khong ame oâ Aten, kʼ ame kunâ bânâ köbun he ka ohnahici öbun, wale he ka ve! ohmetu öbun ûnyi hnyi anyibun ta je hulo.

Roma 8:17

ke a ne lakon, me ame he ka je mâtrân bi; wale je mâtrâniny Khong, ke tha je mâtrân me Keriso: ate ne tha vec më, mate me be ka tha hmanenang mē.

I. Korinito 15:50

Hnyat me lakeiny, oge me ha, ka habe, e ca khana viny me dren he ka hu dokhu dokhon Khong; ke ca khana minya bobot he ka hu hna ca bobot bi.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

Galatia 5:21

me behnyok, me ic monu, me imediaköu, me ta je ûnyi helâe: inya oge me haimemenâ köbun ge ta je ûnyi e, helâji me hnok hna haimemenâ ehac, ka habe, haba tavat adre me ânyâ helâe me adre me ca he ka bi hwajeköûdra hnyi dokhu dokhon Khong.

Efeso 5:5

Anyin ae ti khanʼ öbun ang, a haba at ame bi ûnyi monu, ke ikiki hwakecin, ke behnyekon, a at khudrung ka je hnatheat, me ame ca he ka hu hwajekhon hnyi dokhu dokhon Keriso me Khong.

I. Thesalonika 2:12

mʼ öbun e he bala ka ûcû ka Khong, at a hawʼ öbun ka hnyi dokhon dokhu me anyin hmanenang.

II. Timoteo 2:12

ke ate ne hok hnyok, me ate me he ka tha than më: ke ate ne ivinoâ, me e ame he bi ka ivinʼ öta:

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 4:3

Ke haba öta tavat ate me labageju, me ate me dit ka hnyi hna menâ; helâ me hnen hna ha, ka habe, Helâji me hnok hna khemanyik hnyi anyik hmonyin, Me adre me ca he ka dit ka hnyi hnok hna menâ: ke so bi a um dö ta je huliwa hwân hnyi hna bi taben hmeledrany.

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

Iakobo 2:5

Hnyat me lakeiny a oûnykûmik lö, löng ju öbun; hawa, ame ca ûca hnen Khong watheduoc eang hmeledrany he ka tren omjeû hnyi labageju, mʼ adre me he ka hu dokhu waleji e ame ha bânâ ka tavat adre me hnyok kâu.

I. Peteru 1:9

ke öbun e kap obiny anyibun labageju, wale melen je hanubun.

I. Peteru 3:9

ca bi hwaban monu ge monu, me ûjao ge ûjao; ke so bi hahnahicâ; anyin adre hawʼ öbun kâe, mʼ öbun e he ka hnahic.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.

Hna Omanenâ 17:8

Haba meno u me wâ, me, ka e bi ehac, ke ba bi walang ang; ke e ame he ka ölö ûheny eû hnyi hmonop ae dit hmonyin me he but ka hnyi hnaûhango. Ke ame he ka lâiâ hnen tavat adre me laba hnyi hmeledrany, tavat adre me ca hia but set je iödra hnyi tusiny möt hwân hnyi hna bi taben hmeledrany, ödra ka wâ meno, a e bi ehac, ke ba bi walang ang, kʼ ame he ka o.

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.

Hna Omanenâ 21:7

Ame he ka hu ta je ûnyi e hnen at ame ton; me oge me he ka Khongon, ke e ame he ka nokuk.

Hna Omanenâ 5:10

me wiʼ ödra hnân dokhu me tavat bihut hobi kâu Khonguhmun; ke adre me musi eang hmeledrany.