Mataio 25:23 - Iaai Bible 1901 (New Caledonia)

²³ Haingen than ame ha, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia: didro ka hnyi senyin anyin tuhâm.

Mataio 25:23 ပူးပေါင်းရင်းမြစ်များ

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Ta je Vejec 14:35

Ame betenge than ge athnyaba ame huliwa metâ Kʼ ame he ka hmonyin ka at ame ohmehma.

Mataio 24:45

Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Mataio 24:47

E hnathu inya oge me ha köbun, e ame he ka otilâ e he ka muso anyin ta je ûnyi hia.

Luka 16:10

Haba at ame hnathu hnyi ûnyi ae ûhnyûkong hmonyin, me e ame hnathu minya bi hnyi ûnyi ae gan: ke haba at ae ca wisa hnyi ûnyi ae ûhnyûkong, me ca wisa minya bi hnyi ûnyi ae gan.