Mataio 24:7 - Iaai Bible 1901 (New Caledonia)

⁷ Anyin ame he ka tot ke hnyei ka ke hnyei, me ke dökhu ha ke dökhu; ke ame he ka hu je hmiâ, me hwiöi hnyi ke je dok.

Mataio 24:7 ပူးပေါင်းရင်းမြစ်များ

II. Man Ûlabainy Je Than. 15:6

Ke ödrin e hmouca but, kʼ ame iwahnaihmiony ke hnyei me ke hnyei, me ke taun me ke taun: anyin a Khong ame bwebweli ödrin ge ta je vec hia.

Isaia 19:2

Ke oge me he ka obwebwelâ at Aigupito ka tot metâ bi ka at Aigupito; kʼ adre me he ka ve vat, a ke at me liamekeiny mē, ke ke at me at ame laba hakekeny kâu; ke ke taun me ke taun, ke ke dokhu me ke dokhu.

Isaia 29:6

Ame he Iehova tuhan sabaoth ka senâ e tha e me hwan than, me hwiöi, me hwan ae gan hmâ, me hou, me weneû, me bâhlân meic ame han.

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 21:27

Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

Zakaria 14:13

Ke hnyi bong eling ame he ka gan imonumonuny gadra ûnyi ga Iehova; ke adre me he ka ûkötköuödra, me ûhaiköuâ je hnyamödra.

Luka 21:11

ke ame he ka hu ta je hwiöi ae gan, me hmiâ, me mok hnyi ke je dok; ke ame he ka manen ûnyi hnyi drany ta je ûnyi hnân outen, me ta je haten ae gan.

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

Ta je huliwa 2:19

Ke oge me he ka omanenâ je ûöman ethö hnyi drany, Ke ta je haten eang hmeledrany; Wale dra, me meic, me hai ame sâ goranyai;

Heberu 12:27

Ke haba bongon hofuc ang, ka habe, Okhaca biju, me ame ha a gʼ adre me he ka hom dö ta je ûnyi adre me hmejijingâ, helâ me ta je ûnyi adre hia but op, me me he bi ka tethmâ ta je ûnyi adre ca hia but hmejijingâ.

Hna Omanenâ 6:12

Ke oge me wâ e ame khong hna ohmâ haten a siksiny, me ame gan hmâ but hwiöi; me ame hlit ut seûno helâ me mano a leûnen meno, ke haba tehi hia, me helâ me dra;

Hna Omanenâ 6:5

Ke a hia but khong hna ohmâ haten a kuniny, me oge me löng ûnyi ae möt a kuniny ame ha, ka habe, Aiö u. Ke inya oge me wâ, ke wâ bi hors ae hlit; ke hu tulut adre ûnö hnyi hnyamen at a tabâ.

Hna Omanenâ 6:6

Ke oge me löng hnyi wanben ta je ûnyi ae möt a vak helâke ifucin at, ame ha, ka habe, Ama okhaca unöngöt tulut ge hwit hwaban denari a khaca, ke okun unöngöt tulut ge bali hwaban denari a khaca; ke ca okongo bi wakaco me waina.

Hna Omanenâ 6:8

Ke inya oge me wâ, ke wâ bi hors ae löhau: ke Mok ien at a tabâ: ke Hedis ame tha he hoton. Ke adre ham ködru musi he ka hlingâ ke keihen hmeledrany a vakiny, ge hele vat, me hmiâ, me mok, me je meno ae ûhûlû hnyi hmeledrany.