Mataio 24:6 - Iaai Bible 1901 (New Caledonia)

⁶ Ke öbun e he ka long ge ta je vat, me hoon ta je vat: wâ eâu, öbun nye he ka ot, anyin ame he bi ka o ta je ûnyi e, ke tiga hia bi obiny.

Mataio 24:6 ပူးပေါင်းရင်းမြစ်များ

Salamo 112:7

E ame ca he ka outen te je ûthumetu ae kong: E mou but hnyekon, kʼ ame labageju kö Iehova.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Jeremia 47:6

Hele vat anyi Iehova lö, ie ûen u me he ka laba so? didro hnyi tangâm, menâ ju, ke ca bwebwet bi.

Ezekiela 21:28

Ke haba u, nokon at lö, perofeta thö me ha, ka habe, Walang hna ha hnen Than Iehova ge je laku Amona, me hna haikongu ödra; ke u me he ka ha, ka habe, Hele vat, hele vat adre oc, adre khet me me ûhlingö, me me an, me me helâ me hucuce.

Mataio 2:3

A long ut Heroda a than, me e ame hlohlo tha e me Jerusalema hia.

Mataio 24:14

Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Mataio 26:54

Ke ame he ka kâmâu he ka hwâdâ hna sihnalimen a gʼ ame he ka helâe?

Luka 21:19

Öbun ka hok hnyok, me öbun e he ka möt.

Luka 21:9

Ke öbun ka long hön vat, me bwebwet, ca ot bi: anyin ame he ka mē o ta je ûnyi e; ke ca logot bi obiny.

Luka 22:37

Anyin a inya oge me ha köbun, e ûcû he ka hwâdâ könya hna sihnalimen ang, ka habe, Adre me tha aû e me tavat ae kong: anyin adre ohwâdâ ûnyi a ûnyi gak.

Ioane 14:1

CA hlohlo je hnyekubun: öbun e labageju ka Khong, labageju minya ju könya.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

II. Thesalonika. 2:2

ka habe, ca ie bwebwet bi je hnyekubun, ke ca loloâ minya bi, wale hnen hanu, me hofuc, ke ca hnen minya bi tusi, helâke ûnyi gahmun, ke helâke me hakekeny jut bong bonginy Than;

Hna Omanenâ 6:4

Me ame o but ke hors ae dra: ke adre me ham ka at ame tabâ he ka hom ûsaköu ûnyi eang hmeledrany, mʼ adre me he ka ûhlingödra köu ödra: kʼ adre me ham kâu hele vat ae gan.