Mataio 24:5 - Iaai Bible 1901 (New Caledonia)

⁵ Anyin ödra se hia adre me he ka o hnyi iök me ha, ka habe, Inya ang Keriso; me omonoâ tavat ae se hia.

Mataio 24:5 ပူးပေါင်းရင်းမြစ်များ

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:21

Oge ca kunâ je perofeta e, ke so bi, adre me wadring: oge ca fuc kodra, ke so bi, adre me perofeta.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 37:9

Walang hna ha hnö Iehova, ka habe, Ca iyawöbun bi me ha, ka habe, E hnathu ame he but gata at Kaledaia: anyin adre me ca he ka he.

Mataio 24:11

Ke ame he ka o ta je perofeta thoi ae se hia me omonoâ tavat ae se hia.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Ioane 5:43

Oge o but hnyi ien Kamök, ke öbun e ca köp nya: ame ne he ka o but ke at hnyi ka ien bi, öbun e he ka kap e.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

I. Ioane 2:18

Je wanakat lö, haba awa ang, me obiny: ke helâ me hnobun hna löng a gʼ ame he ka o iwahnaihmiony me Keriso, ke se hia je iwahnaihmiony me Keriso walang ang; waleling me manen köta a haba awa ang, me obiny.

I. Ioane 2:22

Ewa at thoi, ca e at ame ha, ka habe, ca Keriso bi Iesu? Haba at ame ivinoâ Kamen me Nokon, me wale iwahnaihmiony me Keriso.

I. Ioane 4:3

ke haba ta je hanu adre me ca haiö Iesu, me ca ûnyi bi ge Khong ödra: ke wale hanon iwahnaihmiony me Keriso, waleji öbun e löng a gʼ ame he ka o; ke e bi walang ang hnyi hmeledrany.

Hna Omanenâ 13:8

Ke ame he ka khudrung ju kâu ödra hia adre me laba eang hmeledrany, waleji tavat adre ca set je iödra hnyi tusiny möt anyin Arenio waleji adre hlingâ hwân hnyi hna bi taben hmeledrany.