Mataio 24:49 - Iaai Bible 1901 (New Caledonia)

⁴⁹ me hwân he ka kot je athnyaba a lahanen, me he ka han me ic unyin tavat adre ic me monu;

Mataio 24:49 ပူးပေါင်းရင်းမြစ်များ

Ta je Vejec 23:20

Ca tha e me tavat adre me hwen hmiâ waina: Me tavat utâ uthmeno:

Isaia 56:12

Haingodra, ka habe, Ai öbun, oge mâ he ka hok waina, ke otin e he ka ijem gânâ grâg; he bong nyi ame he ka helâ me bong ang, bong ae gan me pason he ka ha.

Isaia 66:5

Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Ezekiela 34:3

öbun e an je pipikhenya, ke khaûʼ öbun ge leûnen, ke hlingâ je at ae pipikhenya; ke so bi, öbun e ca han je mamoe.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Mataio 18:28

Ke ame dit hnyou ai athnyaba eling, me wâ ke athnyaba a hanen, waleji ame mē hom gan je denari a wan haded: me e ame kâlâ e, me kât nyin me ha, ka habe, Hö jem hmetu hnâm hna mē hom gak.

Mataio 24:48

Ke a ne ha athnyaba ae kong eû hnyi hnyekon, ka habe, E tiga bec Tuhok;

Mataio 24:50

me ame he ka o tuhan athnyaba eling hnyi bong e ame ca ûnykûme, me hnyi ûen e ame ca wâhmakhmeto hnyin,

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Ioane 2:10

me ha kâu, ka habe, Hwakecin tavat he ka khenâ bânâ waina ae so; ke e ka hia but ijem gânâ, adre hom waina ae kong: ke haba u, u je tuö waina ae so ke ne o but ang.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

II. Korinito 11:20

Öbun e hokhnyokâ at, ame ne thalûʼ öbun, ame ne ön öbun, ame ne hom hwenbʼ öbun, ame ne bi gan, ame ne khaû hnyimaköbun.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

I. Peteru 5:3

ke ca he ka hwen thanâ je hanymöbun, ke so bi hamöbun he ka bi tulut ka hnahat mamoe.

Juda 1:12

Haba ödra ta je okongon hnyi anyibun bijeûiny ibetengiö, ödra ka tha hnyi bijeû mʼ öbun, ödra tavat tuö mamoe adre ha ödra bi, me ca ot; ödra je ûlâ ae ba köien, ame oû ang dö; ödra je ûö ae ba wan hnyi ûen he ka wa, a olo mok, adre oc dö me iwân;

Hna Omanenâ 13:7

Ke adre me hna kâu he ka vat me wakap, me he ka hwege hudra: ke adre me ham kâu musi hon ta je tribu hia, me tavat, me hwen hnyei, me ta je hnyei.

Hna Omanenâ 16:6

anyin a adre me hingâlâ dra dren wakap me ta je perofeta, ke u je habelidra ge dra: ae ûcû kodra.

Hna Omanenâ 17:6

Ke oge me wâ momo ame monu a ijem dren wakap, ke dren tavat adre me ohnathu Iesu. Ke oge me wâ me oge me lâiâ gan hmâ.

I. Samuela 2:29

Anyin a wale can ieû öbun e uto hut me bwihlany könya, wale oge hûna ka hnyi hnyabak; me oganâ lakom huk he ka opipikenyai öbun ge je hut hia ae ûnyi hnathu anyin at Isaraela a lakeik?