Mataio 24:45 - Iaai Bible 1901 (New Caledonia)

⁴⁵ Ewa athnyaba ae hnathu me metâ, wale hnen tuhan hna otilâ he ka muso hnyaban, he ka khenâ jeû ködrin hnyi je hing ûen cici?

Mataio 24:45 ပူးပေါင်းရင်းမြစ်များ

Esodo 36:4

Ke haba tavat ae metâ hia, wale hnyat a ânyâ ta je huliwa hia hobi kâu dok ae kap, ödrin e o ûnyi hnyi anyidrin ta je huliwa wale odrin e ve ânyâ;

Ta je Vejec 14:35

Ame betenge than ge athnyaba ame huliwa metâ Kʼ ame he ka hmonyin ka at ame ohmehma.

Ta je Vejec 28:20

Haba at ae hnathu me ame he ka ti hu je hnahic: Ke haba at ame ie behu omjeû me ame ca he ka ba hwaban.

Ezekiela 34:2

Nokon at lö, perofeta thö ûcon tavat adre me tuö mamoe hnyi Isaraela, perefota thö, me ha kodra, wale ka tavat âdre me tuö memoe, ka habe, Walang hna ha hnen Than Iehova, ka habe, Ekölö ge tavat tuö mamoe hnyi Isaraela, wale tavat adre me ka ha ödra bi! hawa, ca hanymen bi tavat tuö mamoe he ka han hnahat mamoe?

Ezekiela 46:24

Me e ame ha könya, ka habe, Walang je uma hnân öt, ame he tavat huliwan uma ka ölâ hut anyin tavat hnyin.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 13:52

Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Mataio 24:46

Hnen hnahic athnyaba eling, e ka o tuhan ka wâ a gʼ ame ânyâ helâe.

Mataio 25:2

E monu ke faiv gadrin, ke metâ ke faiv.

Mataio 25:21

Me haingen tuhan ame ha kâu, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia, didro ka hnyi senyin anyin tuhâm.

Mataio 25:23

Haingen than ame ha, ka habe, Ole, u athnyaba ae so me hnathu, u je hia but hnathu hnyi ta je ûnyi ae wakhalet, oge me he ka otilö u hon ta je ûnyi ae se hia: didro ka hnyi senyin anyin tuhâm.

Mataio 7:24

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic:

Luka 19:17

Me e ame ha kâu, ka habe, Ole, u athnyaba ae so: hamâm he ka muso ta je taun a ten, anyin a u je hnathu hnyi ûnyi ae ûhnyûkong.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

I. Timoteo 1:12

Ke inya oge me ole ka Keriso Iesu a Tuhöta, at ame ömani nya, anyin a e ame ûnykûme a iny hnathu, me ame ham könya anyin huliwa;

II. Timoteo 2:2

Ke haba ta je ûnyi u je hia but löng ûnyi gak unyin tavat ohnatho ae se hia, ham but ka tavat ae hnathu, ae khanʼ ödra he ka ûne ka keihen minya.

Heberu 3:5

Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;

Hna Omanenâ 2:13

E khanö nya dok u me laba hnyin, wale hnyi theron anyi Satana: ke u je kât hmâ iök, me ca ivinoâ labageju könya, waleji hnyi je bong bongu Anetipa ae hnathu, at ame ohnathu nya, waleji adre hlingâ unyibun, hnyi dok ame laba hnyin Satana.

Rutha 2:6

Me haba athnyaba a homakan tavat subö bali, ame thu, ka habe, Wale hlu Moaba a tha o me Naomi ûheny Moaba: