Ke adre ohia but ta je ûnyi hia thithö ae möt eang hmelen, wale at, me meno a vak can, me ûnyi ame iyâû, me meno ame gâ ethö; ke a hiʼ ödra but ûnyi eang hmelen; ke hake Noa thiju, me hnyat a tha e më hnyin aka.
U ma he ka ha, ka habe, Adre hia but kuc nya, ke oge me ca vec; Adre hia but osoi nya ke oge me ca long vecin. Oge me he ka hmak dö kehö? oge me he hmetu ka elâm e.
U ka ha, ka habe, Wâ bi, e ca khanʼ ohmun e: Hawa, ame ca he ka ûnykûme e ge at ame tululo hnyok? Ke hawa, e ca khana e hnen at ame tuö hanom? Ke hawa, ame ca he bi e ka bi hwaban ka at hoton anyin ta je huliwa?
Anyin a wale e ame hingâlâ hudra ûganiny anyin hmonyin, me ihwegien anyin vat; ke e ame vâc e igigilo e, ke e ca khana bi; ke ame hiâ e, ke e ame ca ûnykûme bi.
Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.
E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?
me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.
Öbun tavat öbun e hmiâ, wâ ju, me lâiâ, me laba iyong bi; Anyin a oge me ânyâ huliwa hnyi bongubun je bong, Wale huliwa, ame ne he ke at ka omanenâ e köbun, me öbun e ca he ka kap.
Anyin ae wedra bi he ka hnying ûnyi eang, ka habe, walethö drany kâû adrem, me hmeledrany minya, waleji adre tretraoâ ge köiö ke ûnyi hnyi köiö hnen hofuc hwan Khong;
Ke i ame he ka tet metâ me Gibea ödrin ten thauzan je hna ûca a lahanen at Isaraela hia, ke gan hmâ hna vat, ke ca khanʼ Ödrin ae hakekenyi ödrin dut ûnyi ae kong.