Mataio 24:37 - Iaai Bible 1901 (New Caledonia)

³⁷ Ame he ka helâ me je bong bongu Noa ioiny Nokon at.

Mataio 24:37 ပူးပေါင်းရင်းမြစ်များ

II. Peteru 3:6

ke can e haba uoû ame ohia hmeledrany waleji adrem:

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.

Mataio 24:39

ke ca khanʼ ödra bi ke ne o but ame o thö uoû, me ame tha ohiʼ ödra hia but; ke ame he ka helâe, e ka o hmetu Nokon at.

Genese 6:8

Ke haba Noa ame wâ so hnyi hnyimakö Iehova.

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 24:3

E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?

Mataio 24:27

Anyin a haba hucuce ame o thö ûheny jimeyö, kʼ ame umumelam jio; kʼ ame he ka helâe, e ka o hmetu Nokon at.

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.