Mataio 24:31 - Iaai Bible 1901 (New Caledonia)

³¹ Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mataio 24:31 ပူးပေါင်းရင်းမြစ်များ

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Salamo 67:7

Ame he Khong ka ohnahici ota; Kʼ amo be je can hmeledrany hia thithö ka outen e.

Salamo 81:3

Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu.

Esodo 19:16

Ke haba hnyi bong a kuniny hnyi hnyomakatu, e hu hendreng, me je hucuce, me ûlâ ae khöt, me hwan trutru ae gan hmönyin; kʼ ame öbubuny tavat hia hnyi hna hunuma.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 13:5

Ûhedra hnyi hnyei ae sâkâû, ûnyi hnyi je can drany, wale Iehova, a tha e me je omjehen anyin hmonyin, he ka ohia hia hnyei.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 49:18

Bwela thö goranyai li emâkâm me wâ igigilo: ödra hia thithö ang adre me ûkhacaköu, me he jem köu. Haingö Iehova, Kia inya, ke e hnathu, u me he ka hum ödra hia me me khaûâm me hnân theibâm, me hnân oweikö u, helâ me hlu ame he ka faipoipo.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Daniela 7:2

Haingö Daniela, ka habe, Oge me wâ hnyi hna omanenâ könya hnyi lit, ke wâ bi, ame ûhalupköu vak ta ang hon köiö ae gan.

Zakaria 14:5

Ke öbun e he ka kec me gethen hnyi hnyigöulen anyik je bucen: anyin ame he ka he ke ne o but hnyi Azale hnyigöulen je bucen: eke, öbun e he ka kec helâji me hnobun hna kec ge hwiöi hnyi je bong bongu Uzia than Juda: ke ame he Iehova Khonguk ka o, ke ame he ka tha o möu tavat hia ae kap.

Zakaria 2:6

E, e, kec dö ûnyi hnyi hnyei hnyi hwadro, haingö Iehova: anyin a oge biâ but ovesei öbun helâ me vak ta ang hnyi drany, haingö Iehovä.

Zakaria 6:5

Ke haba angela ame thu me ha könya, ka habe, Wale je ang a vakiny drany, hnyat ödrin e he ûhedrin hnyi hna tot hnyi hnyimakan Thaniny hmeledrany.

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Zakaria 9:14

Ke ame he Iehova ka manen hudrin, ke ame he anyin fana ka gâ helâ me hucuce: ke ame he Than Iehova ka tûâ trutru, me he hnyi je höu ûheny hnyi hwaiöu.

Mataio 13:41

Ame he Nokon at ka kunâ anyin ta je angela, mʼ ödrin e he ka ûkhöûnâ ûnyi hnyi dokhon dökhu ta je ûnyi hia adre me bi jöniny, ke tavat adre me ânyâ hulö,

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 24:32

Ke nâ thʼ öbun ûhöûcû me imeta: e tiga but je anginy ke hlau je lan, me khanʼ öbun ae hakekeny jut honivakeny;

Mataio 25:31

Ke e ka o but Nokon at hnyi anyin hmanenang tha e me anyin ta je angela hia thithö, me e ame he ka laba hon theroniny anyin hmanenang:

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mareko 13:27

Me e ame he ka kunâ anyin ta je angela he ka ûkhacaköuâ hnen ta je hna ûca ûnyi hnyi je ang a vak, hwân hnyi can hmeledrany ke ne o but hnyi can drany.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 11:52

ke ca hake hnân hnyei eling, ke so bi mʼ adre me ûkhacaköu lakon Khong adre vese, mʼ adre me khaca thibi.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

I. Korinito 15:52

e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta.

Efeso 1:10

hnyi hna penapena bekhötâ ta je ûen, me me khaca thibi ta je ûnyi hia ka Keriso, wale ta je ûnyi ethö hnyi drany, me ta je ûnyi eang hmeledrany; hnân hobi kâu,

Deuteronomi 30:4

Eja ke ne adre ne obâ keihen ka hnyi obiny drany, me ame he Iehova Khongom ka ûkhacaköuö u ûheny, me hum u ûheny:

Deuteronomi 4:32

Ke he thö u ka elâm je bong ehac, ke tiga hiö u, hwân hnyi bong waleji Khong ame op at eang hmelen hnyin, ke hwân hnyi ke keihen drany ke ne o but ka hnyi ke keihen, hawa e hu ûnyi ae gan helâng, kʼ adre me ne löng helâ me ûnyi aug!

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

II. Thesalonika. 2:1

ÖHMUN e ûjongi öbun hnyat me lakeiny, wale ge ioiny hmetu Tuhöta Iesu Keriso, me hna ûkhacaköu öta kâu;

Heberu 12:19

me hwan khoto, me meainy hofuc; waleji a löng ut tavat me adre me khöû a ga me ca ha hmetu hofuc kodra:

Hna Omanenâ 1:20

walang bongon ae iyong a ta je okhû a seven waleji u je wâ hnyi hnyamok a metök, me je taben lamepa gol a seven. Haba je okhû a seven, me wale ta je angela anyin ekalesia a seven: ke haba je taben lamepa a seven u je wâ, me wale ta je ekalesia a seven.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 7:1

KE hwaban e oge me wâ je angela a vak ödrin e tot hnyi vak ta ke keihen hmeledrany, kʼ ödrin e kât vak ta ang hnyi hmeledrany, me me ca he ka hwege ang ka hnyi hmeledrany, me köiö, me ke ûö a khaca.

Hna Omanenâ 8:2

Ke oge me wâ je angela a seven waleji ödrin e tot hnyi hnyimakan Khong; ke adre me ham ködrin ta je trutru a seven.