Mataio 24:3 - Iaai Bible 1901 (New Caledonia)

³ E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?

Mataio 24:3 ပူးပေါင်းရင်းမြစ်များ

Mataio 13:36

Ke haba Iesu ame hna but tavat ae se hia, me ame didro ka hnyi uma: ke ame o but kâu laten, haingödra, ka habe, Omanenâ thö köhmun bongon ûhöûcû me zizania hnyi utkânâ.

Mataio 13:49

Ame he ka helâe hnyi obiny hmeledrany: ame he ka he but ta je angela me kia luâ tavat ae kong me tavat ae wisa,

Mataio 15:12

Me ame o but laten me ha kâu, ka habe, E khanö u a ta je Faresaio adre me hmönyidra ka long hofuc e?

Mataio 16:27

Anyin ame he ka o thö Nokon at hnyi hmanenanginy Kamen, tha e me anyin ta je angela, me e ame he ka ve ham ka tavat hia thitliö e ûcû me anyidra ta je huliwa.

Mataio 16:28

E hnathu, inya oge me ha köbun, haba keihen gadra adre me tot eang, adre me ca he bi ka mok, ke ne o but adre me wâ Nokon at ame he ka o hnyi dokhon dökhu.

Mataio 17:19

Me ame he duöng laten kö Iesu me ha, ka habe, Ieû ae ca khanʼ ohmun gan he ka obâ e?

Mataio 21:1

KE ödrin e hakekeny Jerusalema ai, kʼ ödrin e o but Bethefage hnyi bucen Elaio, ke haba Jesu ame kunâ li laten,

Mataio 24:27

Anyin a haba hucuce ame o thö ûheny jimeyö, kʼ ame umumelam jio; kʼ ame he ka helâe, e ka o hmetu Nokon at.

Mataio 24:30

me ame he ka manen hnyi drany haten Nokon at: ke ame he ka ûtengiö ta je tribu hia eang hmeledrany, ke adre me he ka wâ Nokon at ame o hon ta je ûlâiny drany, tha e me man me hmanenang ae gan hmâ.

Mataio 24:37

Ame he ka helâ me je bong bongu Noa ioiny Nokon at.

Mataio 24:39

ke ca khanʼ ödra bi ke ne o but ame o thö uoû, me ame tha ohiʼ ödra hia but; ke ame he ka helâe, e ka o hmetu Nokon at.

Mataio 24:43

Ke wâhmakhmeto ju öbun ûnyi ang, a ga ne wâ at ae tren uma hna hmak hnyi lit ame he ka o hnyin at ae venöu, me ame ne hia but hmâkâ, me ca hna bi kodra he ka kia umen uma.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 21:7

Ke ödrin e hnö e, ka habe, At ûne lö, ame he ka hwâdâ kehö ta je ûnyi e? ke ieû haten ge ûen ame he ka hwâdâ hnyin ta je ûnyi e?

Ta je huliwa 1:7

Haingen ködrin, ka habe, E ca hanymöbun he ka wâ je bong me je huna ame ip ge Kamen kʼ ame muso bi.

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.