Mataio 24:28 - Iaai Bible 1901 (New Caledonia)

²⁸ Haba hnen ta je komok, me wale dok ame ûkhacaköu ta je aeto hnyin.

Mataio 24:28 ပူးပေါင်းရင်းမြစ်များ

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Ezekiela 39:17

Ke haba u, nokon at lö, walang hna ha hnen Than Iehova, ka habe, Ha thö ka je meno hia ame gâ, me je menoiny hnyot hia, ka habe, Ûkhacaköu thö, ke ai öbun; ûkhacaköu ûhebun hnyi je ke keihen hia ka hnyi anyik hut wale oge me hudo hobi köbun, a hut ae gan hmâ walethö hon je bucen Isaraela, mʼ öbun e he ka an utiö me ijem dra.

Habakuka 1:8

E logot minya haledra je hors hon je lepad, ke hwege hnyimak hon je luko hnyi sahac; tavat tabö hors unyidra adre me ave ehe thibut: eke, anyidra tavat tabö hors ûhedra sâkâû; adre me gâ helâ me aeto at ame logot ka an haniny.

Luka 17:37

Ke ödrin e thu me ha kâu, ka habe, Than lö, ewa? Haingen ködrin, ka habe, Haba hnen komok, me wale hnen je aeto hna ûkhacaköu kâu.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;