Mataio 24:15 - Iaai Bible 1901 (New Caledonia)

¹⁵ Awe, öbun ka wâ ûnyi ae ikiki at ame okongo, ame tot hnyi dok ae kap, waleji a ha Daniela perofeta, (wâhmakhmeto ju hnen at ame aû),

Mataio 24:15 ပူးပေါင်းရင်းမြစ်များ

Jeremia 44:29

Ke haingö Iehova, ka habe, Walang haten köbun a; oge me he ka bi hwaban köbun hnyi dok ang, me me khanʼ öbun a gʼ ame he ka ton hok hofuc köbun hnân okongon:

Ezekiela 40:4

Ke ame ha könya at, ka habe, Nokon at lö, wâ thö ge li emâkâm, ke long dö ge li hnyikönyâm, ke wâhmakhmetoâ thö ta je ûnyi hia wale oge me he ka omanenâ köu; anyin adre hum u kââng mʼ oge me he ka omanenâ köu ta je ûnyi e: omanenâ thö ka lap anyi Isaraela ta je ûnyi hia thithö u me he ka wâ.

Daniela 1:6

Ke wale unyidra, a hanen lakon Juda, Daniela, ke Hanania, ke Misaela, ke Azaria.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 12:11

Ke hwân hnyi ûen adre me he ka ohia hnyin hudiny leû adre hudo hnyi je bong hia, ke ne o but adre me otilâ ûnyi ae ikiki at ame öba wan, me wan thauzan tu haded ke nainte je bong.

Daniela 9:23

Haba hnyi ûen u je hwân ka khöû, adre me hûna, me oge me o but he ka thumetu u; anyin adre me ti betenge gam; anyin a wale, wâ ûnykûme thö ûnyi eling, me wâhmakhmeto hna omanenâ.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Mataio 24:16

haba hnyi ûen e, e so ame he tavat adre me laba hnyi Juda ka kec ka hnyi bucen:

Mareko 13:14

Ke öbun ka wâ ûnyi ae ikiki, at ame okongoâ, ame tot hnyi dok a ca hnen bi (e so he ka wâhmakhmeto ju hnen at ame aû) wale ûen ae ûcû he ka kec hnen tavat Juda ka hnyi je bucen:

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 21:20

Ke öbun ka wâ Jerusalema adre me igigilo hnen vat, me wâhmakhmeto ju öbun ae hakekeny jut he ka ohia e.

Ioane 11:48

Ate ne he ka hna e helâe, me ame he tavat hia ka lababeju kâu: me ame he ka o at Roma bi ka hûgûnâ hnöta me ita minya hnyei.

Ta je huliwa 21:28

me hongot, ka habe, At Isaraela lö, ûhadruo: Wale bi ang at ame ûne ûö bi ûnyi me tavat, me hnanyibu, me dok ang: ke haba khaca, e ame hom but jem at Heleni ka hnyi uma kap, me okongoâ dok ang ae kap.

Ta je huliwa 6:13

me otilâ tavat sit hofuc thoi, tavat adre me ha, ka habe, Ame ca menâ bi at ang he ka haikongoâ dok ang ae kap, me hnanyibu:

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

Hna Omanenâ 1:3

Hnahic hnen at ame aû, me tavat adre me löng hofuc adre perofeta, me löng hoton ta je ûnyi adre sihnalimen hnyin: anyin ae hakekeny jut ûen.

Hna Omanenâ 3:22

Haba at ae hu hnyikonyen löng ju hna ha hnen Hanu ka ta je ekalesia.