Mataio 24:14 - Iaai Bible 1901 (New Caledonia)

¹⁴ Ke adre me he ka khetâ ûthumetuiny dökhu ang hnyi hmeledrany hia hnân ohnatho ka ta je hnyei; me ame he ka o but obiny.

Mataio 24:14 ပူးပေါင်းရင်းမြစ်များ

Ezekiela 7:10

Wâ bi bong, wâ bi e ame o thö: a o thö hnâm hna saû, kʼ ame vhong uci, e hlau but bi gan.

Mataio 10:7

Ke haba hnyi ûhebun, khetâ thö me ha, ka habe, E hakekeny jut dokhon drany.

Mataio 18:19

Wale hmetu ang, inya oge me ha köbun, ka habe, ame ne he lo li at gabun ka tha ogâ ke ûnyi eang hmeledrany wale ödru me he ka sumâtâ, me ame he ka ham ködru hnen Kamök ethö hnyi drany.

Mataio 24:3

E ame tiga laba hon bucen Elaio, me ame o duöng kâu laten, me ha, ka habe, omanenâ thö kohmun ame he ka o kehö ta je ûnyi eî ke ieû haten ge hnâm hna he ka o hmetu, me ûnyi minya a obiny hmeledrany?

Mataio 24:6

Ke öbun e he ka long ge ta je vat, me hoon ta je vat: wâ eâu, öbun nye he ka ot, anyin ame he bi ka o ta je ûnyi e, ke tiga hia bi obiny.

Mataio 4:23

Ke Iesu ame vheno Galilaia hia thithö, ame ûne hnyin umödrin je sunago, me khetâ ûthumetu a soiny dökhu, me ohia ta je mok hia thithö, me ta je sēnyin hia hnyi hnyei.

Mataio 9:35

Ke haba Iesu ame vheno ta je taun me ta je hnyaba hia, ame ûne hnyi umödra ta je sunago, me khetâ ûthumetuiny dökhu ae so, me osoâ ta je mok hia, me ta je sēnyin hia.

Mareko 13:10

Ke ûcû he ka mē khetâ evangelia ka ta je hnyei hia thithö.

Luka 2:1

HABA hnyi je bong e, ame he but hnanyibu ûnyi ga Kaisara Auguso he ka sihnalimen aten hmeledrany hia.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Luka 4:5

Ke e ame lelö thö e, me omanenâ kâu ta je dokhu hia thithö eang hmeledrany helâ me thuthubademak.

Ta je huliwa 1:2

ke ne o but bong adre me kap dö e hnyi drany ai, hwaban hnen hna hûna ka je aposetolo a deny Hanu Kap, wale hnyat e ame ûca:

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Ta je huliwa 17:6

Ke adre me ca ō ʼdru, me adre me lili Jasona me ke je liamekeiny ka tavat muso taun, kʼ adre me fuc hwege, ka habe, Haba hnyat ang a tavat adre me omonumonoâ hmeledrany, me ödrin e o but minya eang;

Ta je huliwa 19:27

waleling me me ca hake anyitin thibi je huliwa ame he ka ûnyi baû; ke adre me he minya ka öûnyibâûâ uma umen khong momo a Diana, ke ame he ka hia anyin hmanenang bi, wale a hmi kâu tavat Asia hia, ke hmeledrany minya.

Ta je huliwa 20:25

Ke wâ bi, walang ang e khanö nya a haba öbun hia, a hnyat oge me labö senâ he ka khetâ ûthumetu, me öbun e ca he hmetu ka wâ hnyimakök.

Roma 10:18

Ke inya oge me ha, ka habe, Adre me ca löng? Eke, e hnathu, Ame he but ifucidra ka hnyi hmeledrany hia, Ke hodra ta je hofuc ka hnyi je can hmeledrany.

Kolose 1:23

öbun e ne tethmâ hnyi labageju, adre bi taben, me ohmʼ öbun, ke ca bwebwet ûnyi hnyi gejon ûthumetu ae so öbun e löng, waleji adre khetâ ka tavat hia thithö eang hmeledrany; ke inya Paulo adre wiö nya me me at huliwan.

Kolose 1:6

wale a o köbun; helâ minya ka hmeledrany hia thithö, kʼ ame wa wan me kû tot, helâe minya unyibun, hwân hnyi bong öbun e long me wâhmakhmeto ibetengiö baû anyin Khong hnyi hnathu;

Heberu 1:6

Ke wale hmetu ang hnyi ûen e ame oâ nokon a bân ka hnyi hmeledrany, me e ame ha, ka habe, E so ame he ka khudrung kâu ta je angela hia anyin Khong.

Heberu 2:5

Anyin a e ame ca ham ka ta je angela he ka muso hmeledrany ame he ka o nyiele, wale öhmun e ha gan.

Hna Omanenâ 14:6

Ke oge me wâ ke angela minya ame gâ ethö hnyi wanben drany, ke unyin e ûthumetu ae so ame ca ba balua he ka khetâ ka tavat adre me laba hnyi hmeledrany, ke ta je tribu, ke ta je hwen hnyei, ke tavat;

Hna Omanenâ 16:14

anyin a ödrin je hanu anyin je demoni, ödrin a ânyâ je haten; wale ödrin e he ka ta je than hia hyin hmeledrany he ka ûkhacaköu ödra ka hnyi vat hnyi bong ae gan bonginy Khong Ataekhanahia.

Hna Omanenâ 3:10

U je tuö hofucin hnok hna hok hnyok, anyin a wale, oge me he bi nya ka tuö u hnyi ûen ûcûbic, wale ame he ka o ka hnyi hmeledrany hia thithö, he ka cubec tavat adre me laba eang hmeledrany.