Mataio 23:8 - Iaai Bible 1901 (New Caledonia)

⁸ Ke haba öbun, ca he ka hawʼ öbun, ka habe, Kabi: anyin a khaca thibi at ûne köbun, ke öbun ka liamekeiny hia.

Mataio 23:8 ပူးပေါင်းရင်းမြစ်များ

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 23:10

Ke ca he öbun ka hawʼ öbun, ka habe, Je homakan: anyin a khaca thibi homakan köbun, wale Keriso.

Mataio 23:7

me he ka nom ködrin hnyi ta je hna ûcû, me he ka haiʼ ödrin, ka habe, Rabi.

Mataio 26:25

Haba Juda at ame alecuâ e, ame thu me ha, ka habe, Kabi, hawa inya? Haingen kâu, ka habe, U me ha e.

Mataio 26:49

Me e ame ie he kö Iesu me ha, ka kabe, E Habi lö; kʼ ame ûcimhnyimak mē.

Mareko 10:51

Ke Iesu ame thu kâu me ha, ka habe, Ieû ae wem oge me he ka mâdrâ köu? Haingen wadröu ame ha kâu, ka habe, Raboni, mʼ oge me he bi ka bwela.

Mareko 11:21

Haba Peteru ame ûnykûme hmetu, me e ame ha kâu, ka habe, Rabi, wâ bi a meleca thö imeta waleji u je hangâ.

Mareko 14:45

Ke e ame o but, me e ame ie he kâu, me ha, ka habe, Rabi; kʼ ame ûcimhnyimak mē.

Mareko 9:5

Ke haba Peteru ame ha kö Iesu, ka habe, Rabi, e so otin e laba ang; ke ohmun e he ka otilâ ke je uma menâ a kun, hnân hobi köu khaca, ke hobi kö Mose khaca, ke hobi kö Elia khaca.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Ioane 1:38

Haba Iesu ame hwio thö me ö dru ödru me he hoton, me e ame ha ködru, ka habe, Ieû öbu me elâm? Haingödru kâu, ka habe, Kabi (bongon At ûne), ewa dok u ma laba hnyin?

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

Ioane 11:8

Me ame ha kâu laten, ka habe, Rabi, haba at Juda adre me elâm he ka lûö u ge veto, hawa, u me he hmetu kâe?

Ioane 20:16

Iesu ame ha kâu, ka habe. Maria. E ame hwio thö me ha kâu, a hwen Heberu, ka habe, Raboni; walang bongon, At ûne.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 3:26

Ke ödrin e he but kö Ioane me ha kâu, ka habe, Rabi, haba at ame tha tot möu hnyi ke keihen hoton Joridano, waleji at u me ohnatho, wâ bi, haba at eling ame bapataiso, ke ame ok ut kâu tavat hia thithö.

Ioane 4:31

Kʼ ödra tiga bec, me ame ûjengö e laten, ka habe, Kabi, ö u mē han dö.

Ioane 6:25

Ke adre me wâ ju e hnyi ke keihen köiö, haingödra kâu, ka habe, Rabi, u je o eang kehö?

Ioane 9:2

Ke haba laten ödrin e hnö e, ka habe, Rabi, ie at a anyin hulö mʼ adre me hnokoâ wadröu eang, hawa, a ka ûnyi gan, ame ne kamen me hinyen?

II. Korinito 1:24

Ca ha bi a öhmun e muso anyibun labageju, ke so bi öhmun je hnyat ûhadruo bi anyibun sēnyin, anyin a öbun e tethmâ hnen anyibun labageju.

II. Korinito 4:5

Anyin a öhmun e ca kheti öhmun, ke Keriso Iesu a Than, ke öhmun je lathnyabaibun ga Iesu.

Efeso 3:15

ke ûnyi gan adre wenyö ien ta je lap hia ethö hnyi drany, me eang hmeledrany,

Filemona 1:16

ca helâ hmetu me athnyaba, ke beönua hon athnyaba, ke liamekeiny bi a oûnykûmita, ae ûnyi hnathu könya, ke ti ûnyi hnathu köu, hnyi unyin me Than minya.

Iakobo 3:1

HNYAT me lakeiny mönya lö, ca he ka se hia tavat ûne gabun, anyin ae khanʼ öta a gʼ ate me he ka hu hnaûhango ae gan.

I. Peteru 5:3

ke ca he ka hwen thanâ je hanymöbun, ke so bi hamöbun he ka bi tulut ka hnahat mamoe.

Hna Omanenâ 1:9

Inya Ioane, liamekeiny mʼ öbun me tha inya mʼ öbun hnyi vec, me dokhu, me hok hnyok ûnyi Iesu, oge mwi but hnyi bomene Patamo ien, can hofuc hwan Khong me hna ohnathu Iesu.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.

Hna Omanenâ 22:9

Me e ame ha könya, ka habe, Ohe, ca ânyâ, iny athnyaba möu me je perofeta a je liamekeiny möu, me tavat adre me löng hoton hofuc hnyi tusi ang: khudrung ju ka Khong.