Mataio 23:5 - Iaai Bible 1901 (New Caledonia)

⁵ Ke ödrin e ânyâ hia anyidrin ta je huliwa hnân bi wânen at: anyin ödrin e olâwâ anyidrin je filateri, me ogânâ je baten je khaûdrin,

Mataio 23:5 ပူးပေါင်းရင်းမြစ်များ

II. Je Than 10:16

Ke haingen, ka habe, Ötu ma tha he, me u me he ka wâ tang hwegiök hobi kö Iehova. Me adre me olaba e hon kariota.

Esodo 13:9

Kʼ ame he ka bi haten köu ûnyi eling hnyi hnyamâm, me hnân oûnykûmeâ hnyi wanben li emâkâm, me me he hnanyibu anyi Iehova ka hnen hnyi hnyimâm: anyin a Iehova ame hum u ûhem Aigupito hnen hnyamen ae hwege.

Ta je Vejec 3:3

E so e ca hia gam ibetengiö me hnathu: Vekiny ju li ûnyi e hnyi nyem; Ke sihnalimen ju hnyi laulauiny hnyekom:

Levitiko 13:32

ke hnyi bong a seveniny ame he at bihut ka wâ mok, ke wâ bi, ame ne ca hûhûö wathu, ke ba leûnen ae mat hnyin, ke manen bi a ga ca dit wathu hnyin unen,

Mataio 9:20

Me wâ bi, ke momo ame ka hingölö dra hnyi twelv ta je huna ame he hnyi hotu Jesu me kâlâ obiny ûkhaûen:

Luka 16:15

Ke e ame ha kodra, ka habe, Öbun tavat öbun e owisʼ öbun bi hnyi hnyimakan tavat; ke khana bi Khong je hnyekubun: anyin a haba ûnyi ame oûnyihnathoâ at, me, ikiki bi ling hnyi hnyimakan Khong.

Luka 20:47

ödra adre me walâkâ je uma umen je safac, me hic beû hmâ hnân tube hwakecidra: adre me he ka hu hnaûhango ae gan hmâ.

Ioane 12:43

anyin ae nua wedra a gʼ ame he ka ogânʼ ödra hnen tavat, hon wedra a gʼ ame he ka ogânʼ ödra hnen Khong.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 7:18

Haba at ame ha hofuc ka ûnyi gan bi e ame elâm be ka ogânâ e bi: ke haba at ame elâm he ka ogânâ at a kunâ e, e hnathu e, ke ba hwakecin ae ca wisa gan.

Deuteronomi 11:18

Anyin a wale e so öbun e ohmâ hok hofuc eang eû hnyi je hnyekubun, me je hanubun; ke öbun e he ka ca ju e hnân haten hon je hnyamöbun, kʼ ame he ka hnân wen bariny hnyi wanben li emaköbun.

Deuteronomi 22:12

U me he ka bi bâbuen hnyi je baten ûkhaûâm a vak, wale u je khaûö u kâu.

Deuteronomi 6:8

Ke u me he ka ca hofuc eling hnân haten hnyi hnyamâm, ke wale minya hnân wen bariny wanben li emakâm.

Filipi 1:15

Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so:

Filipi 2:3

ca ânyâ ke ûnyi hoton ihunyinköu, me bi gan, ke so he ka ve hu hnyok ae hnyikânâ, me ve ogânâ ke at me ke at;

II. Thesalonika. 2:4

wale at ame bi iwahnaihmiony, me ka hamen ogö-ranyâ e hon ta je ûnyi hia thithö adre me ha me Khong, me hna khudrung kâu; waleling me me laba hnyi uma umen Khong, me ka omanenâ e bi, ka habe, e Khong.