Mataio 23:4 - Iaai Bible 1901 (New Caledonia)

⁴ Eke, adre me hûgo ta je hok ae hmak, ke pason he ka hijen, me ip hon li bajebenyin tavat, ke ödrin bi, ödrin e ca bwebwelâ ge ke banyödrin.

Mataio 23:4 ပူးပေါင်းရင်းမြစ်များ

Isaia 46:1

BEL ame iyâû, Nebo ame he nom; e bi hon je meno anyidra je idola, ke hon je meno ae hnam; e hmak anyibun je hok ka ta je meno, kʼ adre sēnyin dut.

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 23:3

anyin a wale, haba ta je ûnyi hia thithö ödrin e he ka ha köbun he ka ânyâ, ânyâ thö, me tuö: ke ca he öbun ka ûcûcûbongoâ hwakecidrin; anyin adre me ha thibi, kʼ adre me ca ânyâ bi.

Luka 11:46

Ke e ame ha, ka habe, Ekölö gabun minya hnyat ûnö hnanyibu! anyin a öbun e ip hon tavat je hok ae hmak he ka hijen, ke haba öbun, me öbun e ca mâdrâ bi ge ke banyöbun a khaca.

Ta je huliwa 15:10

Anyin a wale ieû gabun öbun e cubec Khong, tue ip hnân ûhûkâlâköuâ hon nyin je laten, waleji ae ca khana lakamötin, mʼ otin minya he ka vadren?

Ta je huliwa 15:28

Anyin ae so ka Hanu Kap, ke so minya kohmun, a gʼ adre me ca he bi ka hûgo gânâ hok köbun, hon ta je ûnyi eang ae ûcû, ka habe;

Galatia 6:13

Anyin a haba tavat adre hia but peritomona, me adre me ca long bi hoton hnanyibu; ke wedra bi he ka operitomoni öbun, mʼ adre me he ka hobeluâ je unyibun.

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

Hna Omanenâ 2:24

Ke inya oge me ha köbun je ke keihen hnyi Thuataira, wale tavat ae ca hu gadrin hna ûne eling, ke ca khanʼ ödra hwakecin ae dit anyi Satana, helâ me hnödra hna hat oge me ca ip hubun ke hok.