Mataio 23:34 - Iaai Bible 1901 (New Caledonia)

³⁴ Wâ bi, inya oge me kunâ köbun ta je perofeta me tavat ae metâ, me hnyat sihnalimen: ke öbun e he ka hlingâ me osatauroâ keihen gadrin, ke öbun e he ka osoâ keihen hnyi umöbun je sunago, me sedʼ Ödrin ûnyi hnyi ke taun ka hnyi ke taun:

Mataio 23:34 ပူးပေါင်းရင်းမြစ်များ

II. Je Than 21:10

Ke haba Iehova ame fuc a deny je perofeta a je athnyabainy, ka habe,

II. Man Ûlabainy Je Than. 24:21

Me ödrin e sihnân, me lûâ e ge veto hnyi hnyeuleny uma umö Iehova hoton musi anyin than.

Ta je Vejec 11:30

Haba wan at ae wisa me ûöiny möt, Ke haba at ae metâ, me ame ohmehmela ta je hanu.

Jeremia 26:8

Ke a hia but Jeremia ha hia hna hûna kâu hnö Iehova he ka ha ka tavat hia, me ame kât e hnen tavat bihut, me ta je perofeta, me tavat hia me ha, ka habe, U me he but ka mok.

Jeremia 36:26

Ke haba than ame hûna kö Jeramela nokon than, me Seraia nöku Azeriela, me Selemia nöku Abedela he ka hum Baruka at sihnalimen me Jeremia perofeta: ke haba Iehova ame ikhölʼ ödru.

Mataio 10:23

Ke ödra ka oveci öbun hnyi ke taun, kec dö ka hnyi ke taun: anyin ae hnathu inya oge me ha köbun, ka habe, Öbun e ca he ka vheno hia ta je taun hnyi Isaraela, ke ne o but ame o thö Nokon at.

Mataio 13:52

Me e ame ha ködrin, ka habe, Anyin a wale, haba tavat sihnalimen hia waleji adre nâ ka hnyi dokhon drany, me helâ me at ae tren uma ame eang ta je ûnyi ae teb ûnyi me ta je ûnyi ae kueny jut ûnyi hnyi tang omjehen.

Mataio 23:31

Waleling me öbun ka ohnathu öbun bi a öbun lakon tavat adre me hlingâ ta je perofeta.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ta je huliwa 1:8

E ka o but köbun Hanu Kap, me öbun e he ka tren man: mʼ öbun e he ka ohnathu nya hnyi Jerusalema, me Juda hia me Samaria ke ne o but hnyi je can hmeledrany.

Ta je huliwa 11:27

Haba hnyi ûen eling ame o but hnyi Anetioka ta je perofeta ûhedrin Jerusalema.

Ta je huliwa 12:2

Me e ame hlingö Iakobo liamekeiny me Ioane ge hele vat.

Ta je huliwa 13:1

E HU ke je perofeta me hnyat ûne hnyi ekalesia Anetioka, wale Banaba, me Simeona ke ien minya Nigeru, me Lukio at Kurene, me Manaen a tha hat me Heroda than, me Saulo.

Ta je huliwa 14:19

Ke ame o but kâe, at Juda ûhedra Anetioka me Ikonio, me hinö fuc ka tavat, me adre me luö Paulo ge veto, me adre me lelo thö e ka hnyi hoton taun, adre me ûnykûme ma mokcu.

Ta je huliwa 15:32

Ke haba Juda me Sila, a li perofeta ödru, me ödru me okahwâ je liamekeiny me ha hwegiödra ge ta je hofuc ae se hia.

Ta je huliwa 5:40

Me adre me ogâ e: ke adre hia but hawâ je aposetolo me osi ödrin, me hûna ködrin he ka ca fuc hmetu hnyi iö Iesu, me adre me hnʼ ödrin dut.

I. Korinito 2:6

Ke ohmun e khetâ metâ unyin tavat ae ti metâ; ke so bi ca metâ ûnyi eang hmeledrany ke ca ûnyi ge je tuhan meledrany, wale ame he ka hia bi:

I. Korinito 3:10

Oge hia but ip taben helâ me homakan hnyat op uma a at ae metâ, hoton ibetengiö baû anyin Khong adre me ham könya; ke haba ke at ame op goranyai hon.

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

Heberu 11:37

adre me lûâ keihen ge veto, kʼ adre me gilo lu ödra, kʼ adre me cubic ödra, kʼ adre hlingʼ ödra ge hele vat: kʼ adre me he baû me je ûkhaû a unen mamoe me got; ödra theduoc, me vec, kʼ adre okongu ʼdra

Hna Omanenâ 11:10

Ke haba tavat adre me laba eang hmeledrany, me adre me senyin gadru me hobâ; ke adre me he ka ûhamköuâ ta je bwihlany; anyin a li perofeta eling ödru me ovecâ tavat adre me laba eang hmeledrany.