Mataio 23:23 - Iaai Bible 1901 (New Caledonia)

²³ Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 23:23 ပူးပေါင်းရင်းမြစ်များ

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

Isaia 28:25

E ka thaohonâ e, hawa, ame ca he bi ka khûkhûâ je kesaka, ke jijingâ but je komina, me tä gaga hwit me bali hnyi; hnen, ke kesem hnyi baten e î

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Levitiko 27:30

Ke haba ke keihen a libenyitainy troban kânâ, ame ne hatonginy, ame ne wan ûö, me, anyi Iehova e: e kap e kö Iehova.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Mataio 12:7

Ke a ne khanʼ öbun bongon hna ha, ka habe, Wek a ibetengiö ke ca hut bi, mʼ öbun e ca he ka haikongoâ tavat ae ca monu bi.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

Luka 18:12

Inya oge me olo ânyâ ca han hnyi je wik, ke oge me ham ke keihen a libenyitainy anyik ta je ûnyi hia thithö.

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.