Mataio 23:16 - Iaai Bible 1901 (New Caledonia)

¹⁶ Ekölö gabun tavat ûsû kʼ Öbun wadröu bi, wale a tavat adre me ha, ka habe, A ne ke at ame khemanyin ûnyi ge uma kap, me ûnyi baû bi e; ke haba at ame he ka khemanyin ûnyi ge goliny uma kap, me hmâ bala but e.

Mataio 23:16 ပူးပေါင်းရင်းမြစ်များ

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 23:17

Hnyat ae monu öbun me wadröu: anyin a ieû ae nua, a ne gol, a ne uma, wale at ame okabâ gol?

Mataio 23:19

Hnyat ae wadröu: anyin a ieû ae nua, hawa a ne bwihlany, a ne taben bi hut, wale at ame okabâ bwihlany?

Mataio 23:24

Hnyat ûsû, kʼ öbun je wadröu bi, hnyat öbun e hneköien minâ, me utâ bi kamela.

Mataio 23:26

Faresaio ae wadröu lö, hneû bânâ but hnyin utkaia me mini, me me so minya but hoton.

Galatia 5:3

Eke, inya hmetu oge me thumeto tavat hia adre kap hna peritom a gʼ ame hu hanymen kodra he ka long hoton hnanyibu hia thithö.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.