Mataio 23:13 - Iaai Bible 1901 (New Caledonia)

¹³ Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 23:13 ပူးပေါင်းရင်းမြစ်များ

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Zakaria 11:17

Ekölö ge at ame ca ti tuö mamoe, at ame hna degecâ hnahat mamoe! ame he hele vat ka ta hon benyin, ke emakan a metân: ame be ka meleca benyin, ke ti lit emakan a metân.

Mataio 23:16

Ekölö gabun tavat ûsû kʼ Öbun wadröu bi, wale a tavat adre me ha, ka habe, A ne ke at ame khemanyin ûnyi ge uma kap, me ûnyi baû bi e; ke haba at ame he ka khemanyin ûnyi ge goliny uma kap, me hmâ bala but e.

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 23:25

Ekölö gabun hnyat sihnalimen me ta je Faresaio, hnyat thoi hnyok! anyin öbun e hneû hoton utkaia me mini, ke haba bi hnyin, me unöngöt ge hna hûgûnâ hwali me hwakecin ae kong.

Mataio 23:27

Ekölö gabun hnyat sihnalimen me ta je Faresaio, hnyat thoi hnyok! anyin a öbun ûcû me ta je erkemok adre me ohawâ, ke so hmonyin at ka wâ hoton, ke haba eû hnyin, me unöngöt ge je jeien komok, me ikiki hia.

Mataio 23:29

Ekölö gabun hnyat sihnalimen me ta je Faresaio, hnyat thoi hnyok! anyin a öbun e up veten je erkemok hon ta je perofeta, me omecâ je erkemok hon tavat ae wisa,

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Luka 11:52

Ekölö gabun hnyat ûnö hnanyibu! anyin a öbun e hia but hom kiiny metâ: kʼ öbun e ca dit bi ka hnyin, ke öbun e thawâ minya tavat adre me ke ka didro.

Ioane 9:22

Ame ha kamen me hinyen helâe anyin a ödru outen at Juda; anyin ame ûhaköuâ at Juda he ka obâ ûnyi hnyi sunago at ame he ka ha, ka habe, E Keriso.

Ioane 9:24

Me adre me olo hawâ at ae wadröu, me ha kâu, ka habe, Ogânâ Khong, anyin a ohmun e wâ but ae monu at ang.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

Ta je huliwa 13:8

Ke haba Eluma (adre me wia ien helâe) at bihihwakecin ame ivinö mödru, kʼ ame heleû deny he ka wia konesula ûnyi hnyi labageju.

Ta je huliwa 5:28

Ohmun e hûna wia köbun, mʼ öbun e ca he ka ûne hnyi ien e: ke wâ bi, öbun e ounöngötâ Jerusalema ge hnobun hna ûne, ke öbun e ûnykûme he ka jönihmun dren at e.

Ta je huliwa 5:40

Me adre me ogâ e: ke adre hia but hawâ je aposetolo me osi ödrin, me hûna ködrin he ka ca fuc hmetu hnyi iö Iesu, me adre me hnʼ ödrin dut.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

II. Timoteo 3:8

Ke helâ me Jane me Jamebere ödru me tot ûcû Mose, helâe minya tavat e adre me tot ûcon hnathu; tavat ae kong hnyekudra, kadre me ca hnathu ka hnyi labageju.

II. Timoteo 4:15

ō u eâu gan; anyin a e ame hwege ka tot, me ûcon hohmun hofuc.