Mataio 22:9 - Iaai Bible 1901 (New Caledonia)

⁹ Anyin a wale, he thʼ öbun ka hnyi vheden ta je gethen, ke haba tavat hia öbun e he ka wâ, hawʼ ödra thö ka hnyi bijeûiny faipoipo.

Mataio 22:9 ပူးပေါင်းရင်းမြစ်များ

Ezekiela 21:21

Anyin ame tot than Babulona hnyi hnyivheden li gethen, wale hnyi hwâniny li gethen, he ka bi khong: e ame jijingâ je fana, e ame hnö je idola, kʼ ame wâ akiny.

Obadia 1:14

Ke u me ca he ka tot hnyi hna saû he ka hlingâ tavat adre me kec gan; ke ca hna but kâu je koluidra hnyi bonginy hlöuhlöa a ödra.

Mataio 20:7

Haingödra kâu, ka habe, Anyin ae ba at ame hawʼ ohmun. Ke e ame ha kodra, ka habe, He thʼ öbun minya ka hnyi hna belökâ vine.

Mataio 22:10

Me ame he but lathnyaba eling ka hnyi ta je gethen, me ûkhacahöuâ hia tavat ödrin e wâ, tavat ae kong ke tavat ae so: me ame unöngöt hna faipoipo ge at.

Mataio 22:8

Me e ame ha ka lathnyabainy, ka habe, Adre hia but penapena bijeûiny faipoipo ke ca ûcû ödra bi, a tavat adre me bödra ka hawâ.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ta je huliwa 13:47

Anyin a haba Than ame hûna kohmun, ka habe, Oge me otilö u, me hnân melaminy Aten ta je hnyei, Me u me he ka tot hnân ûhomeli ke ne o but hnyi can hmeledrany.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.