Mataio 22:16 - Iaai Bible 1901 (New Caledonia)

¹⁶ Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 22:16 ပူးပေါင်းရင်းမြစ်များ

I. Je Than 22:14

Ke haingö Mikaia, ka habe, Kia inya Iehova, a haba ûnyi ame he Iehova ka ha, wale thibi e oge me he ka ha.

Salamo 12:2

Adre me ve ha thoi ka at ame laba hakekenyi ödra: Adre me fuc ge je esongodidra ae ûtakû, me hnyok lo.

Salamo 5:9

Anyin ae ba ke hnathu hnyi je hnyimödra; E kong hmonyin hnyekudra: Haba je jeköwidra, me helâ me erkemok ae memang; Ke adre me ûtakû ge bohmödra.

Salamo 55:21

E haûhaû hnyimen helâ me bata, Ke vat bi hnyekon: E menyik hwan je hofuc hon wakaco, Ke je hele vat bi ling adre oc.

Ta je Vejec 29:5

Haba at ame ita hofuc ka ke at Me ame ka thong ert hobi kâu li can.

Malaki 2:6

E hnyi hnyimen hnanyibuiny hnathu, ke adre me ca wâ hwakecin ae kong hnyi esongodiny: e ame tha he mönya hnyi ûsoköu me wisa, me ohmeto tavat ae se hia ûnyi hnyi hulö.

Malaki 2:9

Anyin a wale oge hia but wiʼ öbun hnân hûkötiâ me kong hnyi hnyimakan tavat hia, hoton hnobun hna ca tuö dek je gethen, ke öbun e ûciâköuâ ge hnanyibu.

Mataio 22:24

ke adre me hnö e, ka habe, At ûne lö, haba Mose ame ha, ka habe, A ne mokcu ke at ke ba nokon, hamen liamekeiny mē he ka hom âiân bi, me bi mâtrân liamekeiny mē.

Mataio 22:26

ke helâe minya ge loiny, me kuniny, ke ne o but hnyi seven.

Mataio 26:18

Me e ame ha, ka habe, He thʼ öbun ka hnyi taun ka ke at, me ha kâu, ka habe, Haingen At ûne, E hakekeny jut ûök; ke oge me he ka tha han paseka me latök hnyin umâm uma.

Mataio 26:49

Me e ame ie he kö Iesu me ha, ka kabe, E Habi lö; kʼ ame ûcimhnyimak mē.

Mareko 10:17

Ke e ame he eû hnyi gethen, me ame wadring ke at me cibouca kâu, me hnö e, ka habe, At ûne lö, ieû hanymök oge me he ka ânyâ me me hu thö könya möt ame ca ba balua!

Mareko 12:13

Ke adre me kunâ kâu keihen at Faresaio, me hnyat Herodiane he ka töuhneweny e ge ta je ifucin.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Mareko 3:6

Me ame didrut ta je Faresaio, me ie ûhnenamö me hnyat Herodiane, mʼ adre me he ka hlingâ e.

Mareko 8:15

Ke e ame hûna ködrin, ka habe, E, ö ʼbun aû ge leven anyin ta je Faresaio me leven anyi Heroda.

Luka 20:21

Ke adre me hnö e, ka habe, At ûne lö, e khanʼ öhmun dut a u me ha me ûnö wisa, ke u je ca wâhmakhmeto at, ke u me nâ hnatho gethen deny Khong:

Luka 7:40

Ke haba Iesu ame thu me ha kâu, ka habe, Simona lo, e hu ke hofuc gak he ka ha köu. Ke haingen ame ha, ka habe, At ûne lö, ha thö.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 7:18

Haba at ame ha hofuc ka ûnyi gan bi e ame elâm be ka ogânâ e bi: ke haba at ame elâm he ka ogânâ at a kunâ e, e hnathu e, ke ba hwakecin ae ca wisa gan.

II. Korinito 2:17

Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.

II. Korinito 4:2

ke öhmun e hia but degec ta je ûnyi ae iyong hnân ohmehma, kʼ öhmun e ca he me iyawo, ke öhmun e ca othoiâ hofuc hwan Khong; ke öhmun e omanenâ hnathu, me haisoi öhmun hnyi ta je ûnykûmenen tavat hia hnyi hnyimakan Khong.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Galatia 2:6

Ke haba hnyat eji ae lung (me ca khanö nya ödrin, ke ca ûnyi hnathu e könya: haba Khong ame ca wâhmakhmetoâ bi at) —haba hnyat eji ae lung, me ödrin e ca bi hanen bi könya:

Deuteronomi 33:9

At ame ha ge kamen me hinyen, ka habe, Oge ca wâ e; Kʼ ame ca wâhmakhmeto je liamekeiny mē, Ke ca khana je hing lakon: Anyin adre me hia but wâ wia hwâm hofuc, Me tuö ûhihinyköu möu.

I. Thesalonika 2:4

ke so bi öhmun e fuc helâ me hnen Khong hna ûcʼ öhmun me hna but kohmun ûthumetu ae so; ca hnân bi osenyinâ at, ke so bi Khong at ame cnbec je hnyekuhmun.

Iakobo 3:17

Ke haba metâ ûnyi ethö wale a bân me ba hnyikongon, kʼ ame ûsoköu, me menyik, me ie löng, kʼ ame unöngöt ge ibetengiö me je wan ae so, ke ba lolo, ke ba iyawâ.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.