Mataio 22:13 - Iaai Bible 1901 (New Caledonia)

¹³ Ke haba than ame ha ka lathnyaba, ka habe, Ca ju li can ke li hnyamen, me khûâ but ka hnyi menekholom hnyou, dok adre me tenge hnyin me ûgiö ganyon.

Mataio 22:13 ပူးပေါင်းရင်းမြစ်များ

Salamo 112:10

Ame he tavat ae kong ka wâ e, me hmak bi; Me ame he ka hoc nyu, me aû but: Ame he ka hia weny tavat ae kong.

Salamo 37:12

Haba at ae kong ame sihnân at ae wisa, Me hoc nyu kâu.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Daniela 3:20

Me e ame hûna ka ke je taben, a hanen je deo vat unyin he ka cö Saderaka, ke Mesaka, ke Abedenego, me khûʼ ödrin ka hnyi thop ae möt hnyin meic.

Mataio 12:29

Ke ame be ka kâmâu at ka dit ka hnyi uma umen at ae hwege, he ka söh anyin ta je ûnyi, a ne ca bân bi he ka ca at ae hwege? me ame he bi ka söh umen uma.

Mataio 13:30

E so ödru me he ka tha kû ke ne o but hnyi ûen menu: ke haba hnyi ûen menu oge me he ka ha ka tavat menu, ka habe, Më ûkhöûnâ thö je zizania, me tha ip me ca, hnân thong degecâ: ke ip dö hwit hnyi anyik om hani.

Mataio 13:42

me khûʼ ödrin ka hnyi thopiny meic: kʼ adre me he ka tenge me ûgiö ganyudra eling.

Mataio 13:50

me khûʼ ödra ka hnyi thopiny meic: adre me he ka tenge me ûgiö ganyudra eling.

Mataio 24:51

me ame he ka subâ luâ e, me ha jekhon unyin tavat thoi hnyok; ame he ka tenge eling me ûgiö ganyon.

Mataio 25:30

Ke khûâ but athnyaba ae ûnyi baû ka hnyi menekholom hnyou: ame he ka tenge eling me ûgiö ganyon.

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

Luka 13:28

Adre me he ka tenge eling, me ûgiö ganyudra, wale öbun ka he ka ö Aberahama, me Isaaka, me Jekob, me ta je perofeta hia thithö hnyi dokhu dokhon Khong, ke adre me he bi ka obʼ öbun.

Ioane 21:18

E hnathu, e hnathu, inya oge me ha köu, ka habe, Hnyi ânyâm hidröu, u me ka hamâm bi oweikö u, me he ka hnyi dok u me wem; ke u ka hingat ut, u me he ka inâ li hnyamâm, kʼ ame he ke at ka oweikö u, me hum u ka hnyi dok u me ca wem.

Ta je huliwa 21:11

Ke e ame o but kohmun, ke e ame hom weikö Paulo, me ame ka ca bi kâu li can me li benyin, me ha, ka habe, Haingen Hanu Kap, a gʼ ame he at Juda hnyi Jerusalema ka helâng hna ca at a weiken ang, me he ka hna ka hnyi hnyamen Aten ta je hnyei.

Ta je huliwa 7:54

Adre me long ta je hofuc e, me ame hmönyidra gan hmâ, me adre me hoc nyu kâu.

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,

II. Peteru 2:17

Ödra je hna pupua köiö ae hme, ke ta je hai ame oûang dö; adre hia but ip hobi kodra lit ae menekholom.

II. Peteru 2:4

Anyin ame ne ca betenge Khong ge ta je angela hnyi ûen adre me ânyâ hulo, ke e ame khû ödra ju hnyi gena, kʼ ame hnʼ ödra but ka hnyi je thop ao menekholom, he ka tuʼ ödra ke ne o but hnyi ûhnei;

Juda 1:13

ödra je waköiöiny köiö ame khutu, a hûlûlû hangöc dö je ûnyi hnân ohmehmʼ ödra; ödra ta je okhû adre me he monu, ke adre hia but ip hobi ködra bi litiny menekholom ame ca ba balua.

Juda 1:6

Ke haba ta je angela waleji adre me ca tethmâ hnyi hanymödra ae gan hmâ, ke adre me hna degecâ hing hnyabadra, me e ame hia but cʼ ödra hnyi menekholom a nyiele balua ke ne o but bong owisa a bong ae gan.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.