Mataio 21:5 - Iaai Bible 1901 (New Caledonia)

⁵ Ha thö ka hluiny Ziona, ka habe, Wâ bi, ame o but köu Tuhâm, At ae menyik, kʼ ame tabâ asina, Ke nak asina, a nokon asina.

Mataio 21:5 ပူးပေါင်းရင်းမြစ်များ

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

II. Samuela 16:2

Ke haingen than kö Ziba, ka habe, Ieû u me he ka ânyâ ge ta je ûnyi ang? Haingö Ziba, ka habe, Haba li asina me hnân bi taben lap anyin than; ke haba je areto me je wan ûö, me, an wahidröu; ke haba waina me belen tavat ae sēnyin hnyi hnyebuba.

I. Je Than 1:33

Ke than ame ha ködrin, ka habe, Tha he thʼ öbun me lathnyabainy tuhöbun, me otabö Solomona nokuk hon halek miul, me hom e Gihona ai:

I. Je Than 10:26

Ke Solomona ame ûkhacaköuâ je kariota, me tavat tabö hors; me e hu gan bi wan thauzan ke foa haded je kariota, ke twelv thauzan tavat tabö hors, wale e ame khene ödrin ka hnyi je tauniny kariota, me Jerusalema unyin than.

Salamo 9:14

Me inye he ka haimemenâ je hofuc hia hnân oganö u: Ke oge me he ka senyinâ ûhomeli gam, Hnyi je homagouleny hlu nöku Ziona.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 40:9

At ame omanenâ ûthumetu ae so kö Ziona lö, ölö thö ka hnyi bucen ae beû gorany; at ame omanenâ ûthumetu ae so kö Jerusalema lö, fuc hwege thö; fuc hwege thö goranyai ca ot bi; ha thö ka je tauniny Juda, ka habe, Wâ bi, Khongubun!

Isaia 62:11

Wâ bi, Iehova ame hia but ha ka je can hmeledrany, ka habe, Ha thö ka hluiny Ziona, ka habe, Wâ bi, ame o but ânyâm ûhomeli; wâ bi, e unyin hwaban, ke e bi hnyi hnyimakan hwaban anyin huliwa.

Ezekiela 34:24

Ke inya Iehova Khongudrin, ke Davita athnyabaik tuhödra; inya Iehova at ame ha.

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Numera 24:19

Ame he ka o ûheny unyi Jekob ke at musi, Ke e ame he ka ohia kolon ûnyi hnyi taun.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Mataio 2:2

ke haingödrin, ka habe, Ewa at adre hnokoâ me Tuhan at Juda? anyin a ohmun e wâ but jimeyö anyin okhû, ke ohmun e o but he ka khudrung kâu.

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Mataio 21:6

Me ame he but li laten me ânyâ helâ me hna ha ködru ga Iesu,

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Ioane 1:49

Haba Nathaniela ame thu kâu, ka habe, Kabi, u thibi Nokon Khong; u thibi Than Isaraela.

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

Deuteronomi 17:16

Ke so bi e ca so e ame osehia je hors hobi kâu, me ohmeto tavat Aigupito ai, me me he ka osehia haleny je hors: anyin a hia but ha Iehova köbun, ka habe, Öbun e ca he ka hmetu hnyi gethen eling.

Owisa 12:14

Ke e hu lakon obaga a fâte, ke thote laöbiny, ödrin e tabâ je asina a sevente; ke a ame owisa ka at Isaraela hnyi je huna a eit.

Owisa 5:10

Ha manenâ e, öbun tavat tabâ je asina ae hau, Öbun tavat a laba hon je kubö ae mec, Me öbun tavat vheno gethen.