Mataio 21:44 - Iaai Bible 1901 (New Caledonia)

⁴⁴ Ke haba at ame he ka ta hon veto ang, me ame he ka thu amâmâ: ke e ka kölu ka hnyi hon at, me ame he ka thu omomono e.

Mataio 21:44 ပူးပေါင်းရင်းမြစ်များ

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Isaia 28:13

Anyin a wale ama e bi kodra hofuc ho Iehova, a hna ûnö, me ke hna ûnö, hna ûnö, me ke hna ûnö; tulut me ke tulut, tulut me ke tulut; hnyiban ang ae ûhnyûkong, me hnyiban e ae ûhnyûkong; mʼ adre me he ka he me ta hnyimen goranyai, me hmetru, me hnok, me ca.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Mataio 21:43

Anyin a wale, inya oge me ha köbun, ka habe, Adre me he ka hom gabun dökhu dokhon Khong, me adre me he ka ham ka hnyei adre me wa waniny.

Mataio 21:45

Ke a long ut ta je taben tavat bihut ke ta je Faresaio anyin ta je ûhöûcû, me Ödrin e wâ ûnykûme a e ame ha gadrin.

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Mataio 27:25

Haba tavat hia adre me thu, ka habe, E so e he dren ka takû ohmun me lakuhmun.

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Luka 20:18

Haba at ame he ka kolu takoû veto ang ame he ka amam, ke e ka kolu ka hnyi hon at, me ame he ka thu omomono e.

Ioane 19:11

Iesu ame thu kâu, ka habe, Adre ne ca ham köu ûnyi ethö me ba ânyâm musi huk: waleling me me gan hulö anyin at a ham nya köu.

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

I. Thesalonika 2:16

kʼ adre me thawʼ öhmun he ka fuc ka Aten ta je hnyei, wale me me ca he ka hu möt gadra; kʼ adre me obekhötâ bala anyidra hulo: ke ame o but kodra hmonyin he ka oumo.

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.