Mataio 21:32 - Iaai Bible 1901 (New Caledonia)

³² Anyin a Ioane ame o but köbun hnyi deny hwakecin ae wisa, ke öbun e ca geju kâu: ke ame labageju kâu hnen ta je telona me ta je momo hnyi gethen: ke öbun e wâ thibi, öbun e ca ietra hwaban, mʼ öbun e he ka labageju kâu.

Mataio 21:32 ပူးပေါင်းရင်းမြစ်များ

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Mataio 11:18

Anyin a o but Ioane me ame ca han me ic, ke haingödra, ka habe, E hu demoni gan.

Mataio 21:25

Haba hna bapataiso hnö Ioane me ûnyi ua? ûnyi hnyi drany, ûnyi ge at? Me adre me ûhnenamököuâ, ka habe, Ate ne ha me ûnyi hnyi drany, me e ame he ka ha köta ka habe, Ieû gabun öbun e ca geju kâu î

Mataio 21:31

Ie at gadru ame ânyâ weny kamödru? Haingödra, ka habe, Atö. Haba Iesu ame ha kodra ka habe, E hnathu inya oge me ha köbun, haba ta je telona, me ta je momo hnyi gethen, adre me khaletʼ öbun ka hnyi dökhu dokhon Khong.

Mataio 5:46

Anyin öbun e ne betenge ge tavat adre me betenge gabun, me, ieû hwaban köbun? hawa, a ca ânyâ helâe ta je telona?

II. Timoteo 2:25

me nâ menyikâ ta je iwahnaihmiony; ame ne he Khong ka ham kodra ietra he ka wâhmakhmetoâ hnathu,

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

II. Peteru 2:21

Anyin ae so kodra adre ne ca bia but wâhmakhmetoâ getheniny hwakecin ae wisa, hon hnödra hna wâhmakhmeto, me hmetuhmetu ûnyi hnyi hnanyibu ae kap adre me ham kodra.

Hna Omanenâ 2:21

Ke oge me ham kâu ûen he ka ietra; ke e ame höcö he ka ietra anyin je bi ûnyi monu.