Mataio 21:27 - Iaai Bible 1901 (New Caledonia)

²⁷ Me adre me thu kö Iesu, ka habe, E ca khanʼ ohmun. Me e ame ha kodra, ka habe Oge me ca he minya inya ka ha köbun musi oge me ânyâ hnyin ta je ûnyi e.

Mataio 21:27 ပူးပေါင်းရင်းမြစ်များ

Isaia 28:9

E ame he ka nö ia ge metâi ke ame he ka owâhmakhmeto ia ge uthumetu? tavat adre hnebaio, me hom ûnyi hnyi li basin?

Isaia 6:10

Opipikhenya ju hnyekon tavat eang, ke owejijö but ta je hnyikönyödra, ke omûko but ta je emakö-dra; wâ adre nye wâ ge ta je emaködra, me long ge ta je hnyikönyödra, me khana ge je hnyekudra, me hwio hmetu bi, me metu but.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 16:3

Ke hnyi hnyomakatu, Ame he ka kong drany hnyi bong ang: anyin ame dra drany ke khömet. E khanʼ öbun he ka wâhmakhmetoâ bongon drany; ke ca khanʼ öbun bi be ka wâhmakhmetoâ ta je haten ta je ûen.

Mataio 21:26

Ke ate ne ha, ka habe, Ûnyi ge at; me ota outen tavat ae se hia; anyin a ödra hia adre me köp Ioane helâ me perofeta.

Mataio 21:28

Ke ieû ûnykûmenöbun? Wale ke at a lo lakon; me e ame o ka atö me ha, ka habe, Nokuk, he thö ka huliwa hnyi bong ang hnyi ik hnyei vine.

Ioane 9:30

Haba wadröu ame thu kodra, ka habe, Hap wale ju ang ûnyi hnân lâiâ, a öbun e ca wâ dok a mwi hnyin, ke a hia but obwela li emakök.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

II. Korinito 4:3

Ke adre me ne tubi anyihmun ûthumetu ae so, me adre me tube ka tavat adre me he bi ka mok: